සුනිල් නරේන් ජාත්‍යන්තර ක්‍රිකට් පිටියෙන් සමුගනී

බටහිර ඉන්දීය කොදෙව් දඟ පන්දු යවන ක්‍රීඩක සුනිල් නරේන් ජාත්‍යන්තර ක්‍රිකට් පිටියෙන් සමුගැනීම නිවේදනය කර තිබෙනවා.

සුනිල් නරේන් මේ බව සඳහන් කර ඇත්තේ සිය ඉන්ස්ටර්ග්‍රෑම් ගිණුමේ සටහනක් තබමින්.

“මම අවසන් වරට බටහිර ඉන්දීය කොදෙව් කණ්ඩායමට ක්‍රීඩාකර වසර හතරකට වැඩි කාලයක් ගත වී ඇති බව මම අගය කරමි, නමුත් අද මම ජාත්‍යන්තර ක්‍රිකට් ක්‍රීඩාවෙන් විශ්‍රාම ගැනීම ප්‍රකාශ කරමි, ප්‍රසිද්ධියේ මම වචන ස්වල්පයක් ඇති මිනිසෙක් නමුත් පුද්ගලිකව මගේ වෘත්තීය ජීවිතය පුරාවට මට නොසැලෙන සහයෝගයක් ලබාදුන් සහ බටහිර ඉන්දීය කොදෙව්වන් නියෝජනය කිරීමේ මගේ සිහිනය සැබෑකර ගැනීමට උදව් කළ කිහිප දෙනෙකු සිටින අතර, ඔබට මම මගේ ගැඹුරු කෘතඥතාව පළ කරමි.” යනුවෙන් සුනිල් නරේන් ඉන්ස්ටර්ග්‍රෑම් ගිණුමේ සඳහන් කර තිබෙනවා.

ඔහු කොදෙව් දේශය වෙනුවෙන් ජාත්‍යන්තර තරග 122කට ක්‍රීඩා කර ඇති අතර, එයට ටෙස්ට් තරග 06ක්, එක්දින තරග 65ක් සහ විස්සයි විස්ස තරග 51ක් ඇතුළත්.

මේ වනවිට 35 හැවිරිදි වියේ පසුවන සුනිල් ටෙස්ට් කඩුලු 21ක්, එක්දින කඩුලු 92ක් සහ විස්සයි විස්ස පිටියේ කඩුලු 52ක් ඔහු විසින් බිඳ දමා තිබෙනවා.

2019 වසරේ අගෝස්තු මාසයෙන් පසු නරේන්ට කොදෙව් කණ්ඩායමේ දොරටු විවර නොවූ නමුත්, ලොවපුරා ඇති ෆ්රැන්චයිස් ලීග්වලට විශාල ඉල්ලුමක් ඔහුට පැවතියා.

ඒ, සමඟ ඔහු 2012 වසරේ සිට කොල්කටා නයිට් රයිඩර්ස් සංචිතයේ නිත්‍ය ක්‍රීඩකයෙකුව සිටිනවා.