spot_img
AFC Banner
Korea Edu Banner
Empty Ad

සිව්දරු මවකගේ මළ සිරුර පිඹුරෙකුගේ උදරයෙන් හමුවෙයි

පිඹුරෙක් විසින් ගිල දැමූ කාන්තාවක් පිඹුරාගේ උදරය තුළ මියගොස් සිටිය දී සොයාගත් පුවතක් මධ්‍යම ඉන්දුනීසියාවෙන් වාර්තා වනවා.

විදෙස් මාධ්‍ය වාර්තා කරන්නේ ෆරීඩා නැමැති 45 හැවිරිදි විය පසුවන කාන්තාවක් මෙලෙස පිඹුරාගේ ගොදුරක් වී ඇති බවයි.

සිව්දරු මවක්වන මෙම කාන්තාව පසුගිය බ්‍රහස්පතින්දා රාත්‍රියේ අතුරුදහන් වී ඇති අතර, එලෙස අතුරුදන් වූ කාන්තාව සෙවීමේ කටයුතු ගම්මුන් විසින් ආරම්භකර තිබෙනවා.

එලෙස සෙවීම් ආරම්භ කළ ගම්වාසීන්ට විශාල උදරයක් සහිත පිඹුරෙකු පසුගිය සිකුරාදා හමු වී ඇති අතර, පසුව ඇති වූ සැකය මත ඔවුන් පිඹුරාගේ බඩ කපා තිබෙනවා.

එහිදී අඩි 16ක් පමණ දිග පිඹුරා විසින් ගිලදමා තිබූ ෆරීඩාගේ සිරුර සොයාගැනීමට හැකිව ඇති බවයි විදෙස් මාධ්‍ය වාර්තා කළේ.

ෆරීඩා ඇඳ පැළඳ සිටි ආකාරයෙන්ම පිඹුරාගේ උදරය තුළ මියගොස් සිටිය දී සොයාගෙන ඇති බවයි තොරතුරු වාර්තා වුණේ.

මේ අතර මෑත වසරවල දී ඉන්දුනීසියාවේ පුද්ගලයින් කිහිපදෙනෙකු ම පිඹුරන් විසින් ගොදුරුකරගත් සිදුවීම් වාර්තා වූ බවයි එරට මාධ්‍ය වාර්තා කරන්නේ.

ඔබේ ප්‍රතිචාරය කුමක්ද ?
+1
6
+1
29
+1
5
+1
21
+1
152
+1
8
+1
5
Subscribe
Notify of
0 Comments
Inline Feedbacks
සියලු ප්‍රතිචාර බලන්න !

?