spot_img
spot_img
spot_img
AFC Banner
Empty Ad
Empty Ad

සමලිංගික විවාහ නීතිගත වෙයි ද ? – තීරණය හෙට

ඉන්දියාව තුළ සමලිංගික විවාහ නීත්‍යානුකූල වේද නොවේද යන තීරණය හෙට දිනයේ දී ප්‍රකාශයට පත් කිරීමට නියමිත ව තිබෙනවා.

මෙම තීන්දුව හෙට දිනයේ දිනයේ දී ඉන්දීය ශ්‍රේෂ්ඨාධිකරණය විසින් ලබාදෙනු ඇති.

මෙම කාරණාව සම්බන්ධයෙන් ඉන්දීය ශ්‍රේෂ්ඨාධිකරණය තුළ විශාල වශයෙන් කතාබහක් ඇති වූ අතර, හෙට ලැබෙන තීන්දුවෙන් එරට තුළ විරුද්ධ ලිංගිකයින් හැරුණුකොට, සමලිංගිකයින්ගේ විවාහයන් ද නීතිගත කිරීම සුදුසු දැයි විමසා බැලීමට නියමිත ව තිබෙනවා.

පසුගිය මැයි 11 වැනි දින අවසන් වරට මෙම නඩුව කැඳවූ අවස්ථාවේ දී එය හෙට දින තෙක් කල් තැබුණා.

එරට අගවිනිසුරු ඩී.වයි චන්ද්‍රචුඩ් ප්‍රමුඛ එස්.කේ කෞල්, එස්.ආර්.භාත්, හිමා කෝලි සහ පී.එස්.නරසිංහ යන විනිසුරුවරුන් මගින් මෙම කාරණාව සලකා බැලූ අතර; ආණ්ඩුක්‍රම ව්‍යවස්ථා විනිසුරු මඩුල්ලක් විසින් දින 10ක විභාගයකින් අනතුරුවයි තීන්දුව ලබාදීම කල් තැබුවේ.

විභාගය අතරතුර, පෙත්සම්කරුවන් වන මුකුල් රොහත්ගි, අභිෂේක් මනු සිංවි, රාජු රාමචන්ද්‍රන්, ආනන්ද් ග්‍රෝවර්, ගීතා ලුත්‍රා, කේ.වී. විශ්වනාදන්, සෞරබ් කිර්පාල් සහ මේනකා ගුරුස්වාමි ඇතුළු ජ්‍යෙෂ්ඨ නීතිඥවරුන් හරහා LGBTQIA+ හි රාජ්‍ය පිළිගැනීම ලබා ගැනීම සඳහා සමානාත්මතා අයිතිවාසිකම් සම්බන්ධයෙන් මතු කර ඇති බවත් එරට මාධ්‍ය වාර්තා කරනවා.

සමාජ ආරක්ෂණය සහ අනෙකුත් සුබසාධන ප්‍රතිලාභ සඳහා ප්‍රජාවට ඇති ප්‍රවේශය තහවුරු කිරීමට අමතරව, ඔවුන්ගේ වෘත්තීය සමිතිවලට ගෞරවය ලබාදීම සඳහා විශේෂ විවාහ පනත (SMA) යටතේ සමලිංගික විවාහ සඳහා නීතිමය පිළිගැනීමක් ලබාදෙන ලෙසයි ඔවුන් ඉල්ලා තිබුණේ.

ඒ ඉල්ලීම සම්බන්ධයෙනුයි හෙට දිනයේ දී සමස්ත ඉන්දියාවට ම මෙන් ම දකුණු ආසියාතික කලාපයට ම සමාජීය බලපෑමක් ඇති කරවිය හැකි මෙම නඩු තීන්දුව ප්‍රකාශයට පත් කරනු ඇත්තේ.

ඔබේ ප්‍රතිචාරය කුමක්ද ?
+1
16
+1
4
+1
4
+1
1
+1
1
+1
1
+1
4
Subscribe
Notify of
0 Comments
Inline Feedbacks
සියලු ප්‍රතිචාර බලන්න !

?