ශ්රී ලංකා නාවික හමුදාව විසින් අත්අඩංගුවට ගැනුණු ධීවරයින් කඩිනමින් නිදහස් කර ගැනීම සඳහා සුදුසු රාජ්ය තාන්ත්රික මාර්ග හරහා ශ්රී ලංකා බලධාරීන් සමඟ සාකච්ඡා කරන ලෙස තමිල්නාඩු නව ප්රධාන අමාත්ය සී. ජෝසප් විජේ ඉන්දීය විදේශ කටයුතු අමාත්ය එස්. ජයශංකර්ගෙන් ඉල්ලීමක් කර තිබෙනවා.
ඉන්දීය විදේශ කටයුතු අමාත්යවරයා වෙත ලිපියක් යොමුකරමිනුයි තමිල්නාඩු මහ ඇමතිවරයා විසින් මෙම ඉල්ලීම සිදුකර ඇත්තේ.
මේ අතර ඊයේ (12) දිනයේ දී ශ්රී ලංකා නාවික හමුදාව විසින් රාමනාදපුරම් දිස්ත්රික්කයේ මණ්ඩපම් ප්රදේශයට අයත් ධීවරයින් හය දෙනෙකු අත්අඩංගුවට ගෙන ඇති බවත් අදාළ ලිපිය මඟින් තමිල්නාඩු මහ ඇමතිවරයා අවදානය යොමුකර තිබෙනවා.
එමෙන්ම ශ්රී ලංකවේ බන්ධනාගාර ගතව දැනටමත් ඉන්දීය ධීවරයින් 54 දෙනෙකු සිටින බවත්, බෝට්ටු 264ක් ශ්රී ලංකා බලධාරීන් විසින් අත්අඩංගුවට ගෙන ඇති බවත් අදාළ ලිපිය මඟින් ඔහු වැඩිදුරටත් පවසනවා.
ඒ අනුව ශ්රී ලංකාව තුළ රඳවාගෙන සිටින ධීවරයින් සහ ඔවුන්ගේ බෝට්ටු කඩිනමින් නිදහස් කර ගැනීම සඳහා සුදුසු රාජ්ය තාන්ත්රික මාර්ග හරහා ශ්රී ලංකා බලධාරීන් සමඟ සාකච්ඡා කරන ලෙසයි තමිල්නාඩු මහ ඇමති ඉන්දීය විදේශ කටයුතු අමාත්යවරයාගෙන් ඉල්ලා සිටින්නේ.
