2026 පන්දුවාර විස්සයි විස්ස ලෝක කුසලාන ක්රිකට් තරගාවලියේ අවසන් මහා තරගය අද (08) රාත්රියේ පැවැත්වීමට නියමිතයි.
ලොව විශාලතම ක්රිකට් ක්රීඩාංගනයවන අහමදාබාත්හී නරේන්ද්ර මෝදී ක්රීඩාංගණයේ දී පැවැත්වෙන මෙවර අවසන් මහා තරගය සඳහා ඉන්දීය කණ්ඩායම සහ නවසීලන්ත කණ්ඩායම සුදුකම් ලබා සිටිනවා.
මෙවර ලෝක කුසලාන තරගාවලියේ අවසන් පළමු පූර්ව තරගයේ දී දකුණු අප්රිකාව පරාජය කරමින් නවසීලන්තය අවසන් මහා තරගයට සුදුසුකම් ලැබූ අතර, දෙවන අවසන් පූර්ව තරගයේ දී එංගලන්තය පරාජය කරමින් ඉන්දීය කණ්ඩායම මෙවර අවසන් මහා තරගයට සුදුසුකම් ලබාගත්තා.
පන්දුවාර විස්ස විස්ස ලෝක කුසලාන ක්රිකට් තරගාවලියේ අවසන් මහා තරගයක් සඳහා ඉන්දියාව මීට පෙර අවස්ථා තුනක දී සුදුසුකම් ලබා ඇති අතර ඉන් අවස්ථා දෙකකදී ඔවුන් ශූරතාවය හිමිකරගෙන තිබෙනවා.
කෙසේ වෙතත් නවසීලන්ත කණ්ඩායමට තවමත් එක්දින හෝ විස්සයි විස්ස ලෝක කුසලානයක් ජයග්රහණය කර නොමැති අතර, සිය කුළුඳුල් විස්සයි විස්ස ලෝක කුසලාන ජයග්රහණය වෙනුවෙන් මිචෙල් සැට්නර් ප්රමුඛ නවසීලන්ත කණ්ඩායම අද තරග බිමට පිවිසෙනු ඇති.
වත්මන් විස්සයි විස්ස ලෝක ශූරයින් ලෙස කිරුළු දරා සිටින ඉන්දීය කණ්ඩායම සූර්ය කුමාර් යාදෙව් ප්රමුඛව අද නරේන්ද්ර මෝදී ක්රීඩා පිටියට පිවිසෙන්නේ ශූරතාවය රැකගැනීමේ අරමුණින්.
මේ අතර ඉන්දියාව තවමත් විස්සයි විස්ස ලෝක කුසලාන තරගාවලියක දී නවසීලන්තය පරාජය කර නොමැති අතර දෙපිළ එරෙහිව මීට පෙර පවත්වා ඇති තරඟ තුනම ඉන්දියාව පරාජය වී තිබෙනවා.
ඒ, අනුව අද (08) පැවැත්වෙන අවසන් මහා තරගය ඉන්දීය මාධ්ය හඳුන්වා තිබුණේ “කිවි ශාපයට” එරෙහි සටනක් ලෙසයි.
