ශ්රී ලංකා ක්රිකට් පරිවර්තනය කිරීමේ කමිටුවේ සභාපති ධුරය සඳහා පත්වූ හිටපු රාජ්ය අමාත්ය ඉරාන් වික්රමරත්න විසින් අද (30) පෙරවරුවේ ශ්රී ලංකා ක්රිකට් ආයතනය වෙත පැමිණෙනු ලැබුවා.
පසුව ක්රිකට් ආයතනයේ දී මාධ්ය අමතමින් ඔහු සඳහන් කළේ මෙම පත්කර ඇති ක්රිකට් පරිවර්තන කමිටුවේ සාමාජිකයන්ට ක්රිකට් ක්රීඩාවට සම්බන්ධ විවිධ ක්ෂේත්ර ඔස්සේ මනා දැනුමක් පවතින බවයි.
ක්රිකට් ආයතනයේ පරිපාලනය සිදු කිරීම මෙන්ම ක්රිකට් ක්රීඩාව දියුණු කිරීම යන පරමාර්ථයන් මත තමා ඇතුළු මෙම කමිටුව කෙටි කාලයකට පත්කර ඇති බවත් සභාපතිවරයා සඳහන් කළා.
තමන් හිටපු පාර්ලිමේන්තු මන්ත්රීවරයෙක් වුවද, මේ වන විට දේශපාලනයෙන් ඉවත්ව සිටින බවත් ඉරාන් වික්රමරත්න පවසනවා.
”මම හිටපු මන්ත්රී කෙනෙක්, ඇමති කෙනෙක්. හිටපු කියන එක කියන්නම ඕනේ. අපි මෙතනට ඇවිල්ලා තියෙන්නේ දේශපාලනය කරන්න නෙවෙයි. ක්රිකට් ක්රීඩාව රටම එකතු කරන්න පුළුවන් ක්රීඩාවක්” යැයි ඔහු වැඩිදුරටත් සඳහන් කළා.
