‘විශ්ව බුද්ධ’ නමින් පෙනී සිටි රත්නපුරේ විමල බුද්ධ හිමිව සාමණේරභාවයෙන් නෙරපීමට ශ්‍රී ලංකා රාමඤ්ඤ නිකාය තීරණය කර තිබෙනවා.
පසුගිය දා පැවති රාමඤ්ඤ නිකායේ කාරක සංඝ සභාව විසින් මෙම තීරණය ගෙන ඇති බවයි වාර්තා වුණේ.
රාමඤ්ඤ නිකායේ මෙම තීරණය මහා නායක අති පූජ්‍ය මකුලෑවේ විමලාභිධාන නා හිමියන් විසින් බෞද්ධ කටයුතු කොමසාරිස්වරයා වෙත දැනුම්දීමටයි කටයුතු කර ඇත්තේ.
ශාසනයට සිදුකරන ලද හානිය පදනම් කරගනිමින් රත්නපුරේ විමලබුද්ධි හිමි නිකායෙන් නෙරපීමට තීරණය කළ බවයි ශ්‍රී ලංකා රාමඤ්ඤ නිකාය සඳහන් කරන්නේ.
එමෙන්ම මොහුගේ භික්ෂුභාවය අහෝසි කිරීමට ද බෞද්ධ කටයුතු කොමසාරිස්වරයා කටයුතු කර තිබෙනවා.
මේ අතර අද (21) දිනයේ අපරාධ පරීක්ෂණ දෙපාර්තමේන්තුව විසින් අත්අඩංගුවට ගැනුණු රත්නපුරේ විමල බුද්ධි හෙවත් ‘විශ්ව බුද්ධ’ ලබන 26 වනදා දක්වා රක්ෂිත බන්ධනාගාර ගත කළා.
ඒ, මෙම චීවරධාරියා ගංගොඩවිල මහේස්ත්‍රාත් අධිකරණය වෙත අද (21) දහවල් ඉදිරිපත් කිරීමෙන් අනතුරුවයි.
