දුම්රිය ප්රවේශපත්ර නොමැතිව කොළඹ කොටුව සිට බදුල්ල දක්වා ධාවනය වු පොඩි මැණිකේ දුම්රියේ ගමන් ගත් ඉන්දීය සම්භවයක් ඇති එංගලන්ත ජාතිකයන් දෙදෙනෙකු හේතුවෙන් පොඩි මැණිකේ දුම්රිය නාවලපිටිය දුම්රිය ස්ථානයේ විනාඩි 40ක් පමණ නවතා තැබීමට සිදු වූ බව නාවලපිටිය දුම්රිය ස්ථානයේ නිලධාරියෙකු පවසනවා.
එම විදේශිකයන් දෙදෙනා ඔහුන්ගේ මිතුරන් කිහිපදෙනෙකු සමඟ පේරාදෙණිය දුම්රිය ස්ථානයෙන් පොඩි මැණිකේ දුම්රියට නැග ඇත්තේ ඇල්ල දුම්රිය ස්ථානය වෙත ගමන් කිරීමටයි.
එම විදේශිකයන් දෙදෙනාගේ මිතුරන් එම දුම්රියේ ගමන් කිරිමට තුන්වන පන්තියේ ප්රවේශපත්ර ලබාගෙන තිබුණද, එම දුම්රියේම දෙවන මැදිරියේ ගමන් ගත් ඉන්දිය සම්භවයක් ඇති විදේශිකයන් දෙදෙනා කිසිදු දුම්රිය ප්රවේශපත්ර නොමැතිව දුම්රියෙන් ගමන් කළ අවස්තාවේ දුම්රිය ආරක්ෂක අංශ නිලධාරීන් නාවලපිටිය දුම්රිය ස්ථානයේදි එම විදේශිකයන් දෙදෙනාට දුම්රියෙන් බසින ලෙසට අවස්ථා කිහිපයකදී උපදෙස් ලබාදුන්ද එම විදේශිකයන් දෙදෙනා දුම්රියෙන් බැසීම ප්රතික්ෂේප කිරීම නිසා දෙපාර්ශවය අතර ඇති වු උණුසුම් තත්ත්වයක් මත දුම්රිය විනාඩි 40ක් පමණ නාවලපිටිය දුම්රිය ස්ථානයේ නතර කර තැබිම හේතුවෙන් එම දුම්රියේ ගමන් ගත් සෙසු මගින් නොසන්සුන්කාරි ලෙස හැසිර තිබෙනවා.
පසුව නාවලපිටිය දුම්රිය ස්ථානයේ සේවකයින් විසින් දුම්රිය පිටත් කර යැවීම සඳහා ප්රවේශපත්ර නොමැතිව දුම්රියේ ගමන් ගත් විදේශිකයන් දෙදෙනා දැඩි පරිශ්රමයක් දරා ඉවතට ගෙන එම විදේශිකයන් දෙදෙනාව නාවලපිටිය පොලිසිය වෙත භාර දි පොඩි මැණිකේ දුම්රිය බදුල්ල දක්වා පිටත් කෙරිණ.
දුම්රිය ප්රවේශපත්ර නොමැතිව දුම්රියේ ගමන් ගත් විදේශිකයන් දෙදෙනා නාවලපිටිය පොලිසියේ නිලධාරින්ගේ සහය ඇතිව නාවලපිටිය සිට ඇල්ල දුම්රිය ස්ථානය දක්වා දුම්රිය ප්රවේශපත්ර මිල දී ගෙන කොළඹ කොටුව සිට බදුල්ල දක්වා ධාවනය වු වෙනත් දුම්රියක පිටව ගොස් ඇත්තේ නාවලපිටිය පොලිසියට සිය ස්තුතිය පුද කරමිනුයි.
