වත්කම් බැරකම් ප්රකාශ ඉදිරිපත් නොකළ රාජ්ය නිලධාරීන්ගෙන් දඩ මුදල් අය කරගන්නා ලෙස අල්ලස් හෝ දූෂණ චෝදනා විමර්ශන කොමිෂන් සභාව රාජ්ය ආයතන ප්රධානීන්ට දැනුම් දී තිබෙනවා.
වත්කම් සහ බැරකම් ප්රකාශ ඉදිරිපත් කිරීමට බැදී සිටින රාජ්ය නිලධාරීන්, මාර්තු 31 වනදා වන විට තමන් සතු දේපළ පිළිබද තොරතුරු ජුනි 30 වනදාට පෙර ආයතන ප්රධානීන්ට දැනුම් දිය යුතුව තිබුණා.
අදාළ දිනට තම වත්කම් හා බැරකම් ප්රකාශ භාර නොදුන් රාජ්ය නිලධාරීන් සඳහා එම වත්කම් බැරකම් ප්රකාශ ලබාදීමට සති දෙකක සහන කාලයක් ලබාදෙනු ලැබුවා.
ඒ, අනුව එම සති දෙකක සහන කාලය ඊයේ (13) දිනයෙන් අවසන් වුණා.
එම එහෙත් සහන කාලය තුළ ද වත්කම් බැරකම් ප්රකාශ භාර නොදුන් නිලධාරීන්ගේ වැටුපෙන් දිනකට තිහෙන් පංගුවක් ඊයේ (13) දින සිට කපා හැරීමට පියවර ගනු ඇති බවයි අල්ලස් කොමිසම සඳහන් කළේ.
ඊට අමතරව වත්කම් බැරකම් ප්රකාශ භාර නොදුන් රාජ්ය නිලධාරීන්ගේ ලැයිස්තුව තමන වෙත යොමු කරන ලෙසට ද ආයතන ප්රධානීන්ට අල්ලස් කොමිසම විසින් දැනුම් දී තිබෙනවා.
