මේ වනවිට එක්දිත තරග ආකෘතියෙන් විශ්‍රාම ගෙන සිටින එංගලන්ත තුන් ඉරියව් ක්‍රීඩක බෙන් ස්ටෝක්ස්ට යළිත් එංගලන්ත එක්දින කණ්ඩායම වෙනුවෙන් එක්වන ලෙස ඇරයුම් ලැබී තිබෙනවා.
එළඹෙන එක්දින ලෝක කුසලානය වෙනුවෙන් යළිත් වරක් තම රට වෙනුවෙන් ක්‍රීඩා කිරීම සඳහා එක්වන ලෙසයි එංගලන්ත ක්‍රිකට් පාලක මණ්ඩලය බෙන් ස්ටෝක්ස්ට පවසා ඇත්තේ.
කෙසේ වෙතත් එම ඇරයුම සම්බන්ධයෙන් බෙන් මෙතෙක් ප්‍රතිචාරයක් දක්වා නැහැ.
එංගලන්තය, බෙන් ස්ටෝක්ස් විශේෂඥ පිතිකරුවෙකු ලෙස ලෝක කුසලානයේ දී කණ්ඩායමට එක්කර ගැනීම සැලසුම වී ඇති බවයි වාර්තා වන්නේ.
මේ අතර ඉන්දියාවේ දී ආරම්භවන එක්දින ලෝක කුසලාන තරගාවලිය වෙනුවෙන් ක්‍රීඩකයින් 18 දෙනෙකුගෙන් යුත් එංගලන්ත මූලික සංචිතය ලබන අඟහරුවාදා තෝරා පත්කර ගැනීමට නියමිතව තිබෙනවා.
බෙන් ස්ටෝක්ස් 2022 වසරේ ජූලි මාසයේ දී එක්දින ක්‍රිකට් ක්‍රීඩාවෙන් විශ්‍රාම ගත් අතර, එතැන් සිට අවධානය යොමු කළේ ටෙස්ට් සහ විස්සයි විස්ස තරඟ ආකෘති සඳහා පමණයි.
ආකෘති තුනම ක්‍රීඩා කිරීම තමාට දරාගත නොහැකි තත්ත්වයකට පත්ව ඇති බව පවසමින් ඔහු එක්දිත තරග ආකෘතියෙන් විශ්‍රාම ගනු ලැබුවා.
