රාජ්‍ය අමාත්‍යාංශ හතරකට අදාළ විෂය පථයන් මේ වනවිට ගැසට් කර තිබෙනවා.
සෞඛ්‍ය,විදුලිබල හා බලශක්ති, ප්‍රවාහන හා මහා මාර්ග සහ ජනමාධ්‍ය යන රාජ්‍ය අමාත්‍යාංශවලට අයත් විෂය පථයනුයි මෙලෙස ගැසට් කර ඇත්තේ.
ඒ, අනුව තැපැල් දෙපාර්තමේන්තුව, රජයේ මුද්‍රණ දෙපාර්තමේන්තුව සහ ශ්‍රී ලංකා මුද්‍රණ ආයතනය ජනමාධ්‍ය රාජ්‍ය අමාත්‍යාංශයේ විෂය පථයන්ට අයත්.
මෝටර් රථ ප්‍රවාහන දෙපාර්තමේන්තුව, මාර්ග ආරක්ෂාව පිළිබඳ ජාතික සභාව, ජාතික ප්‍රවාහන වෛද්‍ය ආයතනය, ලක්දිව ඉංජිනේරු සමාගම, මාර්ග සංවර්ධන අධිකාරිය යටතේ ඇති පාලිත සමාගම් සහ ආශ්‍රිත සමාගම්, සහස්යා ඉන්වෙස්මන්ට් ලිමිටඩ් මඟ නැගුම අංශය සහ රාජ්‍ය සංවර්ධන සහ නිර්මාණ නීතිගත සංස්ථාව ප්‍රවාහන හා මහා මාර්ග රාජ්‍ය අමාත්‍යාංශයට අයත් විෂය පථයන් වනවා.
මේ අතර තැපැල් දෙපාර්තමේන්තුව, රජයේ මුද්‍රණ දෙපාර්තමේන්තුව සහ ශ්‍රී ලංකා මුද්‍රණ ආයතනය, ජනමාධ්‍ය රාජ්‍ය අමාත්‍යාංශය යටතට ගැසට්කර තිබෙනවා.
එමෙන්ම සෞඛ්‍ය රාජ්‍ය අමාත්‍යාංශය යටතට පෞද්ගලික වෛද්‍ය නියාමන සභාව, 1990 සුවසැරිය පදනම, දුම්කොළ සහ මධ්‍යසාර පිළිබඳ ජාතික අධිකාරිය යන ආයතන, ආයුර්වේද දෙපාර්තමේන්තුව, ආයුර්වේද වෛද්‍ය සභාව, ශ්‍රී ලංකා ආයුර්වේද ඖෂධ සංස්ථාව යන ආයතනවලට අයත්.
විදුලිබල හා බලශක්ති රාජ්‍ය අමාත්‍යාංශය යටතට ලංකා ඛනිජ තෙල් නීතිගත සංස්ථාව, ලංකා ඛනිජ තෙල් තොග පර්යන්ත සමාගම, ත්‍රිකුණාමලය ඛනිජ තෙල් පර්යන්ත සමාගම, ශ්‍රී ලංකා ඛනිජ තෙල් සංවර්ධන අධිකාරිය ඇතුළු ආයතන කිහිපයකට විෂය පථයන් ඇතුළත්.
