අපේ කාලය ඇතුළත අනිවාරෙන්, විදුලි බිලෙන් තුනෙන් එකක් අඩු කරනවා – ජනපති

මෙම රජය බලයට පත්වන විට පැවති විදුලි බිලෙන් තුනෙන් එකක්, මෙම රජයේ පාලන සමය අවසන් වීමට පෙර අඩු කරන බව ජනාධිපති අනුර කුමාර දිසානායක පවසනවා.

ඔහු මේ බව සඳහන් කළේ අද (01) පැවති ජාතික ජන බලවේගයේ කොළඹ දිස්ත්‍රික් මැයි රැළියට සහභාගී වෙමින්.

එමෙන්ම දවල් කාලයේ නිෂ්පාදනය කරනු ලබන සූර්යය විදුලිය ගබඩා කර ගැනීම සඳහා මෙගා වොට් 150ක බැටරි පද්ධතියක් ස්ථාපිත කිරීම සඳහා ටෙන්ඩර් භාර දී ඇති බවත් ඒ අනුව තවත් මාස 06ක් ඇතුළත එම බැටරි පද්ධතිය ස්ථාපිත කිරීම සඳහා එකඟ වී ඇති බවත් ජනාධිපතිවරයා සඳහන් කළා.