හිටපු ජනාධිපති මෛත්රිපාල සිරිසේන ශ්රී ලංකා නිදහස් පක්ෂයේ සභාපති වශයෙන් කටයුතු කිරීම වළක්වාලමින් නිකුත් කර තිබූ වාරණ නියෝගය ඔක්තෝබර් 04 වනදා දක්වා තවදුරටත් දීර්ඝ කරමින් කොළඹ දිසා විනිසුරු සඳුන් විතාන මහතා අද (01) නියෝගයක් නිකුත් කළා.
ශ්රී ලංකා නිදහස් පක්ෂයේ අනුශාසකවරියක වන හිටපු ජනාධිපතිනි චන්ද්රිකා බණ්ඩාරනායක කුමාරතුංග විසින් ඉදිරිපත් කළ පැමිණිල්ලකට අනුව කොළඹ දිසා අධිකරණය විසින් ඉකුත් අප්රේල් 04 වනදා එම වාරණ නියෝගය නිකුත් කරනු ලැබුවා.
එහිදි හිටපු ජනාධිපති මෛත්රීපාල සිරිසේන වෙනුවෙන් ජනාධිපති නීතිඥ මෛත්රී ගුණරත්න අධිකරණය හමුවේ කරුණු දැක්වු අතර හිටපු ජනාධිපතිනි චන්ද්රිකා බණ්ඩාරනායක වෙනුවෙන් ජනාධිපති නිතිඥ චන්දක ජයසුන්දර පෙනී සිටියා.
විනිසුරුවරයා දෙපාර්ශ්වයටම නියෝග කළේ මෙම පැමිණිල්ල සම්බන්ධයෙන් ලිඛිත විරෝධතා එදිනට ඉදිරිපත් කරන ලෙසයි.
