තමා නිවසේ නිරෝධායන පහසුකම ලබා නොගත් බව අමාත්‍ය නාමල් රාජපක්ෂ මහතා ට්විටර් පණිවුඩයක් මගින් පවසයි.
ඒ, ඔහු නිවෙසේ නිරෝධායනය වන බවට ට්විටර් සමාජ ජාලයේපළකර තිබූ සටහනකට පිළිතුරු ලෙසයි.
එමෙන්ම, මේ වනවිට කෙටි රාජ්‍ය සහ වෙළද සංචාර සඳහා විදෙස් ගත වන අයට ආපසු පැමිණීමේදී අනුගමනය කළ යුතු නිරෝධායන මාර්ගෝපදේශ ලිහිල් කර ඇති බවද ඔහු සිහිපත් කර සිටියි.
අදාල සෞඛ්‍ය මාර්ගෝපදේශ පසුගිය 10වැනිදා නිකුත්කර ඇති අතර ඒ අනුව කෙටි විදෙස් සංචාර වල රාජ්‍ය සහ වෙළඳ කටයුතු සඳහා නිරත වූවන්ට ලිහිල් නිරෝධායන මාර්ගෝපදේශ හඳුන්වා දී ඇත .
