spot_img
spot_img
spot_img
AFC Banner
Empty Ad
Empty Ad

පැන්ෂන් එක ගන්න අවුරුදු ගණනක් දියණිය, පියාගේ මරණය සඟවලා

විශ්‍රාම වැටුප් ප්‍රතිලාභ ලබාගැනීම වෙනුවෙන් කාන්තාවක් සිය මියගිය පියාගේ සිරුර වසර ගණනාවක් නිවසේ සඟවා තැබූ පුවතක් විදෙස් මාධ්‍ය වාර්තා කරනවා.

තායිවාන ජාතික කාන්තාව විසින් මෙලෙස තම පියාගේ මරණය සඟවා වසර ගණනාවක සිට ඔහුගේ විශ්‍රාම වැටුප ලබාගෙන ඇති බවයි වාර්තා වන්නේ.

ඩෙංගු මර්දන රසායන ද්‍රව්‍ය ඉසීමට නිවසට පැමිණි නිලධාරීන් කණ්ඩායමකට අදාළ කාන්තාව විසින් නිවස තුළට ඇතුළුවීමට ඉඩ ලබානොදීමත් සමඟ ඇය සම්බන්ධයෙන් පොලීසියට සැකයක් මතුව තිබෙනවා.

පසුව ඇයගෙන් ප්‍රශ්න කිරීම් සිදුකර ඇති අතර, එහිදී ඇයගේ පියා සිටින ස්ථානය පිළිබඳව ද නිලධාරීන් ප්‍රශ්නකර ඇති බවයි වාර්තා වන්නේ.

එම අවස්ථාවේ දී ඇය පවසා ඇත්තේ තම පියා වැඩිහිටි නිවාසයක සිටින බවයි.

කෙසේ වෙතත් පසුව ඊට පරස්පර ප්‍රකාශයක් සිදුකරමින් ඇය පවසා ඇත්තේ තම සොහොයුරා ඔහුව වෙනත් රටකට රැගෙන ගොස් ඇති බවයි.

කාන්තාවගේ පියා තායිවානය හැර ගොස් නැති බවත්, සහෝදරයා මියගොස් වසර ගණනාවක් ගතවන බවත් පොලිසිය මේ සම්බන්ධයෙන් සොයා බැලූ විට අනාවරණය කරගෙන තිබෙනවා.

අනතුරුව පොලිසිය එම කාන්තාවගේ නිවස පරීක්ෂා කිරීමේ දී නිවස තුළ තිබී වයෝවෘද්ධ පුද්ගලයකුගේ ඇටකටු සහිත කළු පැහැති කසළ බෑගයක් සොයාගෙන ඇති බවයි වාර්තා වුණේ.

මෙලෙස පියාගේ සිරුර සඟවාගෙන සිටි කාන්තාව සම්බන්ධයෙන් නීතිමය ක්‍රියාමාර්ග ගැනීමට තායිවාන පොලිසිය කටයුතු කර ඇති අතර, පියාගේ මරණයට හේතුව කුමක් ද යන්න පිළිබඳව ද පොලිසිය විමර්ශන සිදුකරනු ලබනවා.

වසර 20කට වැඩි සේවා කාලයක් සහිත යුද හමුදාවේ සේවය කර ඇති කාන්තාවගේ පියාට ඔහුගේ නිලය සහ සේවා වාර්තාව මත මාසික විශ්‍රාම වැටුපක් හිමි වූ අයෙක් බව සඳහන්.

ඔබේ ප්‍රතිචාරය කුමක්ද ?
+1
0
+1
0
+1
0
+1
0
+1
0
+1
0
+1
0
Subscribe
Notify of
0 Comments
Inline Feedbacks
සියලු ප්‍රතිචාර බලන්න !

?