ශ්‍රී ලංකාවේ පාසල් පද්ධතිය තුළ සෞන්දර්ය අධ්‍යාපනය යටතේ සංගීතය, නර්තනය, චිත්‍ර කලාව සහ රංගනය වැනි කලා විෂයයන් ඉගැන්වීම් කටයුතු අඛණ්ඩව ක්‍රියාත්මක වුවද, බොහෝ පාසල්වල මේ සඳහා අවශ්‍ය උපකරණ වල දැඩි හිඟයක් පවතින බව නිරීක්ෂණ කර තිබෙනවා.
එමෙන්ම දරුවන්ගේ අවශ්‍යතාවට ගැළපෙන නවීන උපකරණ පාසල් පද්ධතිය තුළ නොමැති තත්ත්වයක් උද්ගතව ඇති අතර, පවතින බොහෝ උපකරණ ද යල් පැන ගොස් අබලන්ව ඇති බව වාර්තා වී ඇත්තේ.
එම තත්ත්වය සෞන්දර්ය අධ්‍යාපනයේ ගුණාත්මක භාවයට සහ දරුවන්ගේ සමස්තසෞරුෂ වර්ධනයට අහිතකර බලපෑම් ඇති කරනු ලබන බව පෙනී ගොස් තිබෙනවා.
එබැවින්, පාසල් සෞන්දර්ය අධ්‍යාපනය ප්‍රවර්ධනය සඳහා සෞන්දය උපකරණ සැපයීම සඳහා වන ව්‍යාපෘතියක් රුපියල් මිලියන 1,215ක ඇස්තමෙන්තුගත පිරිවැයක් යටතේ 2026 වර්ෂයේ සිට 2028 වර්ෂය දක්වා කාලය තුළ ක්‍රියාත්මක කිරීම පිණිස අධ්‍යාපන, උසස් අධ්‍යාපන සහ වෘත්තීය අධ්‍යාපන අමාත්‍යවරයා වශයෙන් අග්‍රාමාත්‍යවරිය ඉදිරිපත් කළ යෝජනාව අමාත්‍ය මණ්ඩලය අනුමිය හිමිව තිබෙනවා.
