නුවර ප්රදේශයේ පිහිටි ප්රධාන පෙළේ ආයතනය විසින් ආනයන කරන ලද බහාලුම් දෙකක් රේගුවේ ආදායම් අධීක්ෂණ අංශයේ නිලධාරීන් විසින් සැක පිට අත්අඩංගුවට ගෙන පරික්ෂා කිරීමේ දී ඒ තුල තිබී නීති විරෝධි ව ආනයන කිරීමට උත්සහ කරන ලද උඳු තොගයක් සොයා ගෙන තිබේ.
සැකකාර ආයතනය විසින් මෙම බහාලුම් දෙකෙහි කඩල පරිප්පු කිලෝ 48,000 ක් අඩංගු බවට රේගු ප්රකාශනයේ සඳහන් කර තිබුනත් එහි කඩල පරිප්පු අඩංගුව තිබී ඇත්තේ කිලෝ 9,000 ක් පමණක් වූ අතර ඉතිරි කිලෝ 39,000 උඳු අඩංගු බවට රේගු නිලධාරීන් විසින් සොයා ගන්න ලදී. මෙම උඳු තොගයේ වෙළඳපළ වටිනාකම රුපියල් 62,400,000 ක් වන බව ගණන් බලා ඇති අතර එම උඳු තොගය රේගුවට හසුනොවී නිදහස් වූවා නම් ඉන් රජයට රුපියල් 7,800,000 ක් බදු ආදායම අහිමි වීමට ඇති බවයි වාර්තා වන්නේ.
මේ සම්බන්ධයෙන් රේගුවේ ආදායම් අධීක්ෂණ අංශයේ නිලධාරීන් විසින් වැඩිදුර විමර්ශන සිදුකරනු ලබන අතර විමර්ශන අවසානයේ රේගු පරීක්ෂණය පවත්වා භාණ්ඩ සියල්ල රාජසන්තක කර සැක කරුට දඩ නියම කිරීමට නියමිතයි.
