තෙල්දෙණිය රෝහල අසළ මෝටර් රථයක දී මියගොස් සිටියදී සොයා ගත් තරුණිය සම්බන්ධයෙන් පොලිසිය විසින් සිදු කරන විමර්ශනවලට අදාළව තවත් කරුණු කිහිපයක් අනාවරණය වී තිබෙනවා.
අදාළ මියගිය තරුණිය සිය පෙම්වතා සමග නුවරඑලිය නගරයේ සංචාරක හෝටලයක රැදී සිට තිබෙනවා.
කෙසේ වෙතත් ඉකුත් 02 වැනිදා පැමිණි එම යුවළ ඉකුත් 10 වැනිදා පිටවත්ව ගොස් ඇති බවත්, එලෙස පිටව යාමෙන් අනතුරුව පසුගිය 16 වැනිදා නැවත එම තරුණිය පමණක් එම හෝටලයටම පැමිණ නවතන් ගෙන ඇති බවට විමරහ්ස්නවලදී අනවරණය වී තිබෙනවා.
කෙසේ වෙතත් ඊයේ දින (17) දින රාත්රී 9:00ට පමණ එම තරුණියගේ පෙම්වතා කුලී පදනම මත ලබා ගත් මෝටර් රථයකින් එම සංචාරක හෝටලයට පැමිණ, බිරිද රෝගාතුරව ඇති බවට හෝටලයේ ආරක්ෂක අංශ වෙත දැනුම්දෙමින් පෙම්වතියව ඔසවාගෙන විත්, හෝටලයේ බිල්පතද ගෙවා දමා තරුණියව මෝටර් රථයේ දමාගෙන ඇයව රැගෙන ගිය බවට එම හෝටලයේ ආරක්ෂක අංශ නිළධාරියා විසින් පොලිසිය වෙත තොරතුරු ලබා දී තිබෙනවා.
මෙලෙස මියගොස් සිටින කාන්තාව වැලිගම ප්රදේශයේ පදිංචි 33 හැවිරිදි අයෙක්.
මේ අතර මෙම සිද්ධියට සම්බන්ධ එම කාන්තාවගේ පෙම්වතා බවට පැවසෙන් පුද්ගලයා මේ වන විට අතුරුදන්ව ඇති බව පොලිසිය පවසනවා.
කෙසේ වෙතත් එම පුද්ගලයාගේ ඡායාරූප කිහිපයක් නුවරඑළිය පොලිසිය විසින් මාධ්යට නිකුත් කර ඇති අතර ඔහු සම්බන්ධයෙන් යම් තොරතුරක් වෙතොත් පොලිසිය වෙත දන්වන ලෙස ඉල්ලා සිටිනවා.
