දෙමටගොඩ රුවන් නමැත්තා සතුව තිබී අත්අඩංගුවට ගෙන මේ වන විට මැණික් හා ස්වර්ණාභරණ අධිකාරියේ රඳවා තබා තිබෙන රත්ත්‍රන් කිලෝග්‍රෑම් එකහමාර එහි තක්සේරු වාර්තාවක් ද සමඟ අධිකරණයට ඉදිරිපත් කරන ලෙස කොළඹ ප්‍රධාන මහේස්ත්‍රාත් තිළිණ ගමගේ මහතා එම අධිකාරියේ සභාපතිවරයාට අද (07) නියෝග කළා.
තක්සේරු වාර්තාවක් කැඳවීම සඳහා එම රත්ත්‍රන් තොගය අධිකරණ නියෝග මත 2021 වසරේදී මැණික් හා ස්වර්ණාභරණ අධිකාරිය වෙත යොමු කර ඇති බවත් එම සිද්ධියට අදාළව කොළඹ මහාධිකරණයේ පවතින නඩුවකට ඉදිරිපත් කිරීම සඳහා අවශ්‍යව ඇති බැවින් තක්සේරු වාර්තාවක් ද සමඟ එම රත්තරන් තොගය අධිකරණයට ඉදිරිපත් කරන ලෙස මැණික් හා ස්වර්ණාභරණ අධිකාරියේ සභාපතිවරයාට නියෝගයක් නිකුත් කරන ලෙසට නීති විරෝධී වත්කම් කොට්ඨාසය කළ ඉල්ලීමක් සලකා බලමින් අධිකරණයෙන් එසේ නියම කෙරුණු බවයි දසත අධිකරණ වාර්තාකරු පැවසුවේ.
ඔබේ ප්‍රතිචාරය කුමක්ද ?
+1
1
+1
+1
+1
1
+1
+1
+1
