spot_img
AFC Banner
Korea Edu Banner
Empty Ad

ගුරුවරු නැතුව පාසල් අරඹන ක්‍රමයක් ආණ්ඩුව සොයාගනී

කොරෝනා තත්ත්වය හේතුවෙන් වසර 02කට ආසන්න කාලයක් වසා දමා තිබූ පාසල් එළැඹෙන 21 වැනිදා නැවත විවෘත කිරීමට ආණ්ඩුව සුදානමින් සිටිනවා.

පළමු අදියර ලෙස ළමුන් 200 සීමාවේ සිටින පාසල් මෙලෙස විවෘත කිරීමට නියමිතයි.

නමුත් තවමත් ගුරු වර්ජනය අවසන් කිරීමට ගුරු-විදුහල්පති වෘත්තීය සමිති සුදානම් නොවන බව මීට පෙර ප්‍රකාශ කර තිබුණා.

අග්‍රාමාත්‍යවරයාගේ ප්‍රධානත්වයෙන් ද ගුරු වෘත්තීය සමිති හමුවක් පැවැත්වූවත් එහිදීද මෙම අර්බුදය සඳහා ස්ථීර විසඳුමක් ලබාදීමට නොහැකි වුණා.

ගුරු වෘත්තීය සමිති පවසන්නේ එළැඹෙන 21 වැනිදා දක්වා මෙම වෘත්තීය අයිතිවාසිකම් ලබාදී සඳහා කාලය ලබාදෙන බවයි.

මේ අතර සංවර්ධන නිලධාරී සේවා සංගමය විසින් මාධ්‍ය නිවේදනයක් නිකුත් කරමින් පවසා තිබුණේ ගුරු ගැටලුවලට විසඳුම් දෙනවා වෙනුවට ආණ්ඩුව පාසල්වලට වෙනත් රාජ්‍ය සේවකයින් යොදවා පාසල් ආරම්භ කිරීමේ සුදානමක් ඇති බවයි.

ඔවුන් පෙන්වා දෙන්නේ ගුරු ගැටලුවලට පිළිගත හැකි විසඳුමක් ඔක්.21 දිනට පෙර ලබාදී ඔක්.21 පාසල් විවෘත කළ යුතු වූවද එසේ ක්‍රියාත්මක නොවී ආණ්ඩුව අභ්‍යාසලාභී උපාධිධාරීන් ඇතුළු පිරිස් සම්බන්ධ කරගනිමින් පාසල් ආරම්භ කිරීම ගැටලු සහගත විය හැකි බවයි.’

ආණ්ඩුව විසින් මීට පෙර අභ්‍යාසලාභී උපාධිධාරීන්ව සංවර්ධන නිලධාරීන් ලෙස රාජ්‍ය සේවයට එක්කර ගත් අතර ඔවුන් බොහෝ දෙනෙකු ප්‍රාදේශීය ලේකම් කාර්යාවල ඇතුළුව රාජ්‍ය ආයතනයන්වල සේවය කරනු ලබනවා.

ඔබේ ප්‍රතිචාරය කුමක්ද ?
+1
0
+1
0
+1
0
+1
0
+1
0
+1
0
+1
83
Subscribe
Notify of
0 Comments
Inline Feedbacks
සියලු ප්‍රතිචාර බලන්න !

?