ඉදිරි දින කිහිපයේත් ගෘහස්ථ ගෑස් පරිභෝජනයේදී පෙරට වඩා සැලකිලිමත් වන්නැයි පාරිභෝගික ආරක්ෂණ රාජ්ය අමාත්ය ලසන්ත අලගියවන්න ජනතාවට දැනුම් දෙනවා.
කැබිනට් තීරණ දැනුම්දීමේ මාධ්ය හමුවට එක්වෙමින් රාජ්ය අමාත්යවරයා පැවසුවේ ඉදිරි දිනවලදී දැනට ගෘහස්ථව භාවිත කරන ගෑස් සහ අලෙවි නියෝජිතයින් සතුව ඇති ගෑස් පිළිබඳ තීරණයක් ගන්නා බවයි.
“ප්රථම පියවර තමයි ගැටළු සහගත ගෑස් රටට ඇතුල්වීම නතර කිරීම. ඒ වාගේම නිෂ්පාදනාගාර වලින් ප්රමිතියෙන් තොර ඒවා වෙළෙදපොළට නිකුත් කිරීම වැළැක්වීම. ඉතින් මේ ක්රියාමාර්ග දෙකම අරගෙන තියෙනවා. ඉදිරි දින කිහිපයේදී අලෙවි නියෝජිතයින් සතුව තිබෙන ඒවා සහ නිවාසවල තිබෙන ගෑස් සම්බන්ධයෙන් ඒ අවශ්ය ක්රියාමාර්ග පියවරෙන් පියවර ලබා ගැනීමට අප අනිවාර්යෙන්ම කටයුතු කරනවා.අපි කාරුණික ඉල්ලීමක් කරනවා සියලුම පාරිභෝගීක ජනතාවගෙන් පෙරට වඩා සැලකිල්ලෙන් අවදානය යොමු කරමින් ඉදිරි දින කිහිපයේදී ගෑස් භාවිතා කරන්න කියලා.” රාජ්ය අමාත්ය ලසන්ත අලගියවන්න ප්රකාශ කර සිටියා.
මෙරට සිදුවූ ගෑස් අනතුරු සම්බන්ධ පැමිණිලිවලින් සියයට 53 කට වැඩි ප්රමාණයක් ගෑස් කාන්දුවීම් සම්බන්ධ පැමිණිලි බව ගෑස් අනතුරු සම්බන්ධයෙන් විමර්ශනයට පත් කළ ජනාධිපති කමිටුව පවසනවා.
ගෑස් අනතුරු සම්බන්ධ පැමිණිලි 458 ක් ඉකුත් ඉරිදා දින වනවිට ලැබී ඇති අතර ඉන් පැමිණිලි 430ක්ම ලැබී ඇත්තේ නොවැම්බර් 29 වනදා සිට දෙසැම්බර් 5 වනදා දක්වා කාලය තුළයි.
අදාළ කාලය තුළ පමණක් ගෑස් කාන්දුවීම සම්බන්ධව ලැබී ඇති පැමිණිලි සංඛ්යාව 227 ක්. පැමිණිලි 174 ක් ලැබී ඇත්තේ ගෑස් ලිපෙහි මුහුණත බිඳීයාම් හා ගෑස් ලිප් පුපුරායාම් සම්බන්ධයෙන්.
