කොල්කටාවෙන් හයිද්‍රාබාදයට ලකුණු 209ක දැවැන්ත ඉලක්කයක්

2024 ඉන්දීය ප්‍රිමියර් ලීග් තරගාවලියේ තුන්වන තරගය කොල්කටා නයිට් රයිඩර්ස් සහ සන්රයිසස් හයිද්‍රාබාද් යන කණ්ඩායම් අතර මේ වන විට පැවැත්වෙනවා.

මෙම තරගයේ කාසියේ වාසිය දිනු හයිද්‍රාබාද් කණ්ඩායම තීරණය කළේ පළමුව පන්දු රැකීමටයි.

ඒ අනුව පිටියට පිවිසි කොල්කටා කණ්ඩායම නියමිත පන්දුවාර 20 අවසානයේ කඩුළු 07ක් දැවී රැස්කළ ලකුණු සංඛ්‍යාව 208ක්.

එහිදී ඇන්ඩ්‍රි රසල් පන්දු 25කින් වේගවත් ලකුණු 64ක් රැස්කළ අතර පිල් සෝල්ට් පන්දු 40කින් ලකුණු 54ක් ලබා ගත්තා.

පන්දු යැවීමේදී ටී.නටරාජන් ලකුණු 32කට කඩුළු 03ක් දවා ගත්තා.

මේ අනුව සන්රයිසස් හයිද්‍රාබාද් කණ්ඩායමට මෙම තරගය ජය ගැනීම සදහා හිමිවූ ඉලක්කය ලකුණු 209ක්.