මොරටුව සිට යාපනය දක්වා ධාවනය වෙමින් තිබූ ලී රැගත් ලොරියක්, කොළඹ සිට තුනුක්කයි දක්වා ධාවනය වෙමින් තිබූ බස් රථයක පසුපස ගැටීමෙන් කරුවලගස්වැව ප්රදේශයේ දී අද (11) උදෑසන අනතුරක් සිදුව තිබෙනවා.
මෙම බස් රථයේ කොන්දොස්තරවරයා බස් රථයේ පාපුවරුව ආසන්නයේ රැදී සිට තිබෙනවා.
එහිදී ඔහුට හදිසියේම ඇති වූ රෝගාබාධයක් හේතුවෙන් පාපුරුවෙන් ඇදවැටී ඇති අතර ඒ හේතුවෙන් බස් රථයේ රියදුරු විසින් බස් රථය ධාවනය නතර කර ඇති බවයි වාර්තා වන්නේ.
එම අවස්ථාවේ බස් රථය පසුපසින් පැමිණි ලී රැගත් ලොරියක් බස් රථයේ පසුපස ගැටී තිබෙනවා.
අනතුරෙන් පුද්ගලයින් 5 දෙනෙකු තුවාල ලබා පුත්තලම මූලික රෝහල වෙත ඇතුලත් කර ඇති බවයි වාර්තා වන්නේ.
මෙම අනතුර සම්බන්ධයෙන් කරුවලගස්වැව පොලීසියේ, රථවාහන අංශය වැඩිදුර විමර්ශන ක්රියාත්මක කර තිබෙනවා.
