කෘමිනාශක තොගයක් පන්නන්න හැදූ දෙදෙනෙක් අල්ලයි (ඡායාරූප)

නීතිවිරෝධී ලෙස රැගෙන ඒමට උත්සහ කළ කෘමිනාශක තොගයක් සමඟ සැකකරුවන් දෙදෙනෙකු කල්පිටියේදී නාවික හමුදා භාරයට ගෙන තිබෙනවා.

ශ්‍රී ලංකා නාවික හමුදාව, කල්පිටිය, උච්චමුණෙයි ප්‍රදේශයට ඔබ්බෙන් වූ මුහුදු ප්‍රදේශයේ ඊයේ (03) දින සිදුකළ විශේෂ සෝදිසි මෙහෙයුමකදී, මෙම කෘමිනාශක තොගය නාවික හමුදා භාරයට ගෙන ඇති බව සඳහන්.

එම මුහුදු ප්‍රදේශය ඔස්සේ යාත්‍රාකරමින් තිබූ සැකකටයුතු ඩිංගි යාත්‍රාවක් පරීක්ෂා කිරීමේදී, එහි තිබී උර 16 අසුරන ලද නීති විරෝධී ලෙස රැගෙන ඒමට උත්සහ කල මිලි ලීටර් 100 ප්‍රමාණයේ කෘමිනාශක බෝතල් 4000 තොගයක් සහ ග්‍රෑම් 10ක බරින් යුත් කෘමිනාශක පැකට් 6,534 තොගයක්, සැකකරුවන් දෙදෙනෙකු සමඟින් එම ඩිංගි යාත්‍රාව මෙලෙස නාවික හමුදා භාරයට ගැනීමට කටයුතු කර තිබුණා.

මෙම මෙහෙයුම මඟින් නාවික හමුදා භාරයට ගත් සැකකරුවන් වයස අවුරුදු 33 ක් හා 44 ක් වන කල්පිටිය වන්නිමුන්දලම ප්‍රදේශයේ පදිංචිකරුවන්ය.

එම සැකකරුවන් දෙදෙනා, කෘමිනාශක තොගය සහ ඩිංගි යාත්‍රාව ඉදිරි නීතිමය කටයුතු සඳහා කටුනායක රේගු නිවාරණ කාර්යාලය වෙත භාරදී තිබෙනවා.