spot_imgspot_img
spot_img
SLIC Banner
Empty Ad
Empty Ad

එළඹෙන උත්සව සමය වෙනුවෙන් පාරිභෝගික අධිකාරියෙන් වැටලීම් මාලාවක්

එළඹෙන උත්සව සමය වෙනුවෙන් නොවැම්බර් මස 30 සිට ජනවාරි 15 වැනි දින දක්වා විශේෂ වැටලීම් මාලාවක් සිදු කෙරෙන බව පාරිභෝගික කටයුතු අධිකාරිය පවසනවා.

පැවති මාධ්‍ය හමුවකට එක්වෙමින් එහි සභාපති ශාන්ති නිරිඇල්ල සඳහන් කළේ; උත්සව සමය එළඹීමත් සමග වැඩි මිලට භාණ්ඩ අලෙවි කිරීම සහ උපරිම මිල ඉක්මවා භාණ්ඩ අලෙවි කිරීම සහ තොග සඟවා තබාගෙන වෙළෙඳාමේ යෙදෙන කූඨ වෙළඳුන් අත්අඩංගුවට ගැනීමට විශේෂ කණ්ඩායමක් යොදවා ඇති බවයි.

පාරිභෝගිකයා ආරක්ෂා කිරීමට පාරිභෝගික කටයුතු අධිකාරිය බැඳී සිටින බවත්: පාරිභෝගිකයාට තමන් මිල දී ගන්නා භාණ්ඩවල මිල ගණන් විමසීමටත්; මිල දී ගන්නා භාණ්ඩ සඳහා බිල්පතක් ලබා ගැනීමටත් අයිතියක් ඇති බව ද ඔහු වැඩිදුරටත් සඳහන් කළා.

මේ සම්බන්ධයෙන් පාරිභෝගිකයන්ට ලිඛිත ව හා 1977 කෙටි දූරකථන අංකයෙන් ද පැමිණිලි ඉදිරිපත් කර හැකි බවයි සභාපතිවරයා පැවසුවේ.

සීනි සඳහා උපරිම මිලක් නියම කිරීමත් සමග ශත 25 බද්දට සීනි ආනයනය කළ තොග වෙළඳුන්ගෙන් සීනි මෙට්‍රික් ටොන් 2000 ක් පමණ ලංකා සතොසට සහ සුපිරි වෙළෙඳසල්වලට ලබාදීමට මේ වන විට කටයුතු යොදා ඇති බව ද පාරිභෝගික සේවා අධිකාරිය සඳහන් කළා.

ඒ අනුව සීනි කිලෝග්‍රෑම් 01ක් රුපියල් 275 මිලකට මිල දී ගැනීමේ හැකියාවක් ඇති බවයි වාර්තා වන්නේ.

එමෙන්ම භාණ්ඩ අලෙවි කිරීමේ දී මිල ප්‍රදර්ශනය කිරීම අනිවාර්යය බවත්; භාණ්ඩයක් මිල දී ගැනීමේ දී ඒ සඳහා බිල්පතක් ලබා ගැනීමට පාරිභෝගිකයාට සම්පූර්ණ අයිතිය ඇති බවත් ඔහු කියා සිටියා.

එසේ නොමැති නම් පාරිභෝගිකයාට පාරිභෝගික අධිකාරියට පැමිණිලි කිරීමේ හැකියාව ද ඇති බවයි ඔහු ප්‍රකාශ කළේ.

ඔබේ ප්‍රතිචාරය කුමක්ද ?
+1
0
+1
0
+1
0
+1
0
+1
0
+1
0
+1
0
Subscribe
Notify of
0 Comments
Inline Feedbacks
සියලු ප්‍රතිචාර බලන්න !

?