එළඹෙන උත්සව සමයේ දී කිසිඳු හිඟයකින් තොරව බිත්තර මිලදී ගැනීමේ හැකියාව පවතින බව සමස්ත ලංකා බිත්තර නිෂ්පාදකයින්ගේ සංගමය සඳහන් කරනවා.
ඒ, අනුව මේ වනවිට පනවා ඇති පාලන මිලටත් වඩා අඩුවෙන් එළඹෙන උත්සව සමයේ දී බිත්තර මිලදී ගැනීමට හැකිවන බවයි එම සංගමයේ සභාපතිවරයා පැවසුවේ.
එමෙන්ම රජය මඟින් පනවා තිබෙන පාලන මිල වන රුපියල් 50.00ට වඩා වැඩියෙන් බිත්තර මිලදී නොගන්නා ලෙසත් සභාපතිවරයා දැනුම් දෙනවා.
මේ වන විට රටපුරා සියලු කුකුළු ගොවිපළවල බිත්තර නිෂ්පාදනය සාර්ථකව සිදුවෙමින් පවතින බවත්, ඉදිරි මාස දෙක තුනකින් පමණ රජයේ පාලන මිලට වඩා අඩුවෙන් පාරිභෝගිකයන්ට බිත්තර අලෙවි කිරීමට බලාපොරොත්තු වන බවත් ඔහු වැඩිදුරටත් සඳහන් කර සිටියා.
ඔබේ ප්‍රතිචාරය කුමක්ද ?
+1
+1
+1
+1
+1
+1
+1
11
