සමාජ මාධ්ය ඔස්සේ හඳුනාගත් කාන්තාවන් රවටා ඔවුන්ගේ මුදල් වංචා කිරීම සම්බන්ධයෙන් සැකකරුවන් දෙදෙනෙක් අපරාධ පරීක්ෂණ දෙපාර්තමේන්තුව විසින් අත්අඩංගුවට ගෙන තිබෙනවා.
මෙලෙස අත්අඩංගුවට ගෙන ඇත්තේ නයිජීරියානු ජාතිකයින් දෙදෙනෙක් බවයි පොලිසිය පැවසුවේ.
මෙම සැකකරුවන් වෛද්යවරුන් ලෙස පෙනී සිටිමින් කාන්තාවන් දෙදෙනෙක් සමාජ මාධ්ය ඔස්සේ හඳුනාගෙන ඔවුන් සමඟ ප්රේම සම්බන්ධතා ගොඩනඟගෙන ඇති බවයි වාර්තා වුණේ.
එහිදී සැකකරුවන් විසින් මෙම කාන්තාවන්ගෙන් අවස්ථා කිහිපයක දී මිලියන ගණනින් මුදල් ලබාගෙන එම මුදල් වංචා කර තිබෙනවා.
තවත් කාන්තාවකට මෝටර් රථයක් ජයග්රහණය කර ඇති බව පවසා එහි වටිනාකම චෙක්පතක් මඟින් ද අනෙකුත් ලියකියවිලි කුරියර් සේවාව මඟින් ද යොමුකළ බව පවසා මුදල් වංචාකර ඇති බවයි පොලිසිය වැඩිදුරටත් සඳහන් කළේ.
මෙම සිද්ධීන් සම්බන්ධයෙන් ලද පැමිණිලි මත විමර්ශන පවත්වා සැකකාර නයිජීරියානු ජාතිකයින් දෙදෙනා අලුත්ගම ප්රදේශයේ දී අත්අඩංගුවට ගෙන ඇති බවයි වාර්තා වුණේ.
මොවුන් සන්තකයේ තිබී ATM කාඩ්පත් 14ක් සහ ජංගම දුරකථන 05ක් ද පොලිස් භාරයට ගෙන තිබෙනවා.
