ICC ලෝක කුසලාන විස්සයි 20 තරගාවලියේ ශ්‍රී ලංකාව සහභාගිවූ පළමු පුහුණු තරගයේදී බංග්ලාදේශ කණ්ඩායම කඩුලු 04 කින් පරාජය කිරිමට ශ්‍රී ලංකා පිල ඊයේ රාත්‍රියේ දී සමත් වුණා.
තරගයේ පළමුව පන්දුවට පහර දුන් බංග්ලාදේශ කණ්ඩායම සිය ඕවර් 20 අවසානයේදී කඩුලු 07ක් දැවී ලකුණු 147ක් රැස් කරනු ලැබුවා.
බංග්ලාදේශ ඉනිමේ වැඩිම ලකුණු ලාභියා බවට පත්වු සොම්‍ය සර්කාර් ලකුණු 34ක් රැස් කරගනු ලැබුවා.
පන්දු යැවීමේදී දුෂ්මන්ත චමීර 27/3.
ජයග්‍රාහි ලකුණු 148ක ඉලක්කයක් හඹා ගිය ශ්‍රී ලංකා කණ්ඩායම ඕවර් 19ක් තුලදී කඩුලු 06ක් පමණක් දැවී තරගය ජය ගනු ලැබුවා.
අවිශ්ක ප්‍රනාන්දු නොදැවී ලකුණු 62, චාමික කරුණාරත්න නොදැවී ලකුණු 19ක් ශ්‍රී ලංකා පිල වෙනුවෙන් පිතිහරණයෙන් දස්කම් දැක්වුවා.
ශ්‍රී ලංකා කණ්ඩායමේ දෙවන පුහුණු තරගය පැපුවා නිව්ගිනීයාව සමග ඔක්තෝම්බර් මස 14 වෙනිදා අබුඩාබි හිදී ක්‍රීඩා කිරීමට නියමිතයි.
