ඇමරිකානු නාවික හමුදාවට අයත් ‘USS Anchorage’ (LPD – 23) යුද නෞකාව, සහයෝගීතාවය සූදානම සහ පුහුණුව පිළිබඳ නාවික අභ්යාසය – 2023 (Cooperation Afloat Readiness and Training Exercise – CARAT–2023) සඳහා සහභාගීවීමට අද දින උදෑසන කොළඹ වරායට පැමිණ තිබෙනවා.
ශ්රී ලංකා නාවික හමුදාව විසින් එම නෞකාව නාවික හමුදා සම්ප්රදායානුකුලව පිළිගැනීමට කටයුතු කළා.
මෙලෙස කොළඹ වරායට සේන්දු වූ San Antonio – Class amphibious transport dock වර්ගයේ යුද නෞකාවක් වන ‘USS Anchorage’ (LPD – 23) යුද නෞකාව, දිගින් මීටර් 208ක් හා නැව් මුළුව 477ක ගෙන් සමත්විත වන අතර, එහි අණදෙන නිලධාරී ලෙස කපිතාන් කීලර්, ඩී.ජේ (Captain KEELER, D.J) කටයුතු කරනවා.
‘USS Anchorage’ නෞකාවේ අණදෙන නිලධාරී සහ බටහිර නාවික විධානයේ ආඥාපති, රියර් අද්මිරාල් සුරේෂ් ද සිල්වා අතර නිල හමුවක් අද බටහිර නාවික විධාන මුලස්ථානයේ දී සිදු කිරීමට නියමිත ඇති අතර, CARAT–2023 අභ්යාසයේ සමාරම්භක අවස්ථාවට සහභාගී වීමෙන් අනතුරුව එම නෞකාව ශ්රී ලංකා නාවික නෞකා ගජබාහු සහ සමුදුර නෞකාවන් සමඟ CARAT–2023 නාවික අභ්යාසයේ මුහුදු අධියර සඳහා සහභාගී වීමට නියමිතයි.
‘USS Anchorage’ නෞකාව CARAT–2023 නාවික අභ්යාසය සඳහා සහභාගී වීමෙන් අනතුරුව, ලබන 27 වන දින දිවයිනෙන් පිටත්ව යාමට නියමිතව තිබෙනවා.
wpDiscuz
