යාපනය රෝහලේ හඳුනා නොගත් යැයි පැවසුණු උණ රෝගී තත්ත්වයෙන් පුද්ගලයින් හත්දෙනෙකු මියගොස් ඇති බවත්, ඉන් තිදෙනෙකු මී උණ රෝගය හේතුවෙන් මියගොස් ඇති බවටත් තහවුරු වී ඇති බව යාපනය
රෝහල් අධ්යක්ෂ වෛද්ය ටි.සත්යමූර්ති මහතා පවසනවා.
මියගිය තිදෙනෙකු මී උණ රෝගයෙන් මියගොස් ඇති බවට වෛද්ය වාර්තාවෙන් තහවුරු වී ඇති
බවයි හෙතෙම සඳහන් කළේ.
රෝහල් අධ්යක්ෂකවරයා පැවසුවේ; මියගිය අනෙක් තිදෙනාට ද උණ රෝගී තත්ත්ව වැළඳී ඇති අතර ඉන් ඇති වූ විවිධ සංකූලතා මරණයට හේතුව බවට නිගමනය කරන බවයි.
යාපනය රෝහලට ඇතුළත් කළ පුද්ගලයින් 06 දෙනෙකු කෙටි කාලයක් තුළ උණ රෝගයෙන් මියගිය අතර එක් පුද්ගලයෙකු මුලතිව් රෝහලේ දී මියගොස් තිබුණා.
පැවති අධික වර්ෂාපතනය සමග මී උණ රෝගය වැළඳී ඇතැයි වෛද්යවරුන් නිගමනය කරන බවත් ඉදිරියේදීත් ගොවි ජනතාව ඉන් ආරක්ෂා වීමට වගා කටයුතුවලට පළමුව මී උණ වැළැක්වීම වෙනුවෙන් වන ඖෂධ ලබා ගැනීම වැදගත් බවයි යාපනය රෝහල් අධ්යක්ෂවරයා සඳහන් කළේ.
මියගිය පුද්ගලයින් වයස අවුරුදු 20 – 65ත් අතර වියෙහි පසුවන්නන්.
