කුරුණෑගල – දඹුල්ල ප්‍රධාන මාර්ගයේ තෝරයාය ප්‍රදේශයේ අද (10) අලුයම බස් රථ දෙකක් ගැටී සිදු වූ අනතුර සම්බන්ධයෙන් එක් බස් රථ රියදුරෙක් අත්අඩංගුවට ගෙන තිබෙනවා.
දොරටියාව පොලිස් ස්ථානය විසින් මෙලෙස අත්අඩංගුවට ගෙන ඇත්තේ අනතුර සිදුකළ බව කියන මාඳුරුඔය සිට කොළඹ බලා ධාවනය වූ බස් රථයේ රියදුරු බාවයි පොලිසිය සඳහන් කළේ.
මෙම රියදුරා අනතුර සිදුවිමන් පසු එම ස්ථානයෙන් පලාගොස් සිටිය දී අත්අඩංගුවට ගත් බව පොලිසිය වැඩිදුරටත් පැවසුවා.
කඳුරුවෙල සිට කුරුණෑගල දක්වා ධාවනය වූ බස් රථයක් මගීන් නංවා ගැනීමට තෝරයාය ප්‍රදේශයේ නතර කර තිබියදී මාදුරුඔය සිට කොළඹ බලා ධාවනය වූ බස් රථය එහි පිටුපස ගැටීමෙන් මෙම අනතුර සිදුව තිබුණා.
පොලිසිය සඳහන් කළේ මාදුරුඔය සිට කොළඹ බලා ධාවනය වූ බස් රථයේ අධික වේගය මෙම අනතුරට හේතු වී ඇති බවයි.
අද උදෑසන 4.45ට පමණ සිදුවූ මෙම දරුණු අනතුරින් කතාවක් ඇතුළු සිව්දෙනෙක් ජීවිතක්ෂය පත් වූ අතර, විස්සකට වැඩි පිරිසක් තුවාල ලබා කුරුණෑගල රෝහලට ඇතුළත් කරනු ලැබුවා.
