ගන්දර, කපුගම ප්රදේශයේ දී අද (03) උදෑසන සිදුවූ වෙඩි තැබීමේ සිද්ධියේ වෙඩික්කරුවන් පැමිණි බව කියන යතුරුපැදිය සොයාගෙන තිබෙනවා.
අදාළ යතුරුපැදි මාතර, යටියන ප්රදේශයේ දමාගොස් තිබියදී අද පස්වරු 3.00ට පමණ සොයාගත් බවයි පොලිස් විශේෂ කාර්ය බලකාය සඳහන් කළේ.
අද (03) උදෑසන 6.30ට පමණ සිදුවූ වෙඩි තැබීමකින් ව්යාපාරිකයෙකු තුවාල ලැබුවා.
මෙලෙස තුවාල ලැබූවේ ගන්දර ප්රදේශයේ පදිංචි 48 හැවිරිදි බහුදින යාත්රා සහ බස් රථ හිමිකරුවෙක් වන ප්රසාද් නිශාන්ත නැමැත්තෙක්.
අදාළ පුද්ගලයා නිවසේ ආලින්දයේ තේ පානය කරමින් සිටිය දී ස්කුටර් වර්ගයේ යතුරුපැදියකින් පැමිණි නාදුනන පුද්ගලයින් දෙදෙනෙක් ටී-56 වර්ගයේ ගිනි අවියකින් මෙම වෙඩි තැබීම සිදුකර පළාගොස් තිබුණා.
විදෙස් ගතව සැඟව සිටින සංවිධානාත්මක අපරාධකරුවෙකු වන දෙහිගෙදර බාලේ නැමැත්තා විසින් මෙම වෙඩි තැබීම මෙහෙයවා ඇති බවට සැකයක් පවතින බවයි පොලිසිය සඳහන් කළේ.
සිද්ධිය සම්බන්ධයෙන් හුංගම පොලිසියේ විශේෂ කණ්ඩායම් තුනක් එක්ව විමර්ශන සිදුකරනු ලබනවා.
