‘එක් චීනයක්’ ප්‍රතිපත්තිය වෙනුවෙන් ශ්‍රී ලංකා රජය පෙනී සිටින බව ජනාධිපති අනුර කුමාර දිසානායක මහතා පවසනවා.
අද (15) පස්වරුවේ චීන ජනාධිපති ෂී – ජින්ග්- පින්ග් මහතා නිල වශයෙන් එරට මහජන ශාලාවේ දී හමුවෙමින් මෙරට ජනාධිපතිවරයා මේ බව කියා සිටියා.
චීනයේ ආර්ථික, කාර්මික සහ තාක්ෂණ මෙන් ම යටිතල පහසුකම් සංවර්ධනය සේ ම මානව සංවර්ධනය අතින් ද අත්පත් කරගෙන ඇති දැවැන්ත ප්‍රගතිය පිළිබඳ ව ශ්‍රී ලංකාව බෙහෙවින් ම සතුටු වන බවයි ජනාධිපති අනුර කුමාර දිසානායක මහතා පැවසුවේ.
මේ හේතුවෙන් “ද්විපාර්ශ්වීය සහ බහු පාර්ශ්වීය ඇතුළු සියලු ක්ෂේත්‍රවල එක් චීනයක් ප්‍රතිපත්තිය වෙනුවෙන් අපේ රජය පෙනී සිටිනවා” යනුවෙන් ශ්‍රී ලංකා ජනාධිපතිවරයා චීන රජය අමතමින් සඳහන් කළා.
එමෙන්ම චීනය දශක කිහිපයක් තිස්සේ ශ්‍රී ලංකාවේ සමාජ, ආර්ථික සංවර්ධනය සඳහා වැදගත් කාර්යභාරයක් ඉටුකර ඇති අතර මෙම සංචාරය අපගේ රටවල් සහ ජනතාවගේ අන්‍යෝන්‍ය අභිවෘද්ධිය වෙනුවෙන් ශක්තිමත් වෙනු ඇතැයි තමන් බලාපොරොත්තු වන බව ද හෙතෙම වැඩිදුරටත් පැවසුවා.
