සෞදි අරාබියේ ජෙඩා හිදී දින දෙකක් පුරා පැවති අයි.පී.එල්. ක්රීඩක වෙන්දේසිය ඊයේ රාත්රියේ අති සාර්ථකව අවසන් වුණා.
එහිදී තරගාවලියට එක්ව සිටින කණ්ඩායම් දහය විසින් ඉන්දීය රුපියල් කෝටි 639.15ක මුදලක් වැයකරමින් ක්රීඩකයින් 182 දෙදෙනෙක් මිල දී ගැනීමට කටයුතු කළා.
එලෙස මිල දී ගත් ක්රීඩකයින් අතර විදේශීය ක්රීඩකයින් 62ක් ඇතුළත් වනවා.
මේ අතර අයි.පී.එල්. ඉතිහාසයේ ලාබාලතමක ක්රීඩකයාව මිල දී ගන්නට රාජස්ථාන් රෝයල්ස් කණ්ඩායම ඊයේ කටයුතු කළා.
ඒ, මෙවර ක්රීඩක වෙන්දේසිය වෙනුවෙන් ඉදිරිපත් කර සිටි 13 හැවිරිදි වියේ පසුවන වෛභව් සූර්යවංශි මිල දී ගනිමින්.
රුපියල් ලක්ෂ 30ක මූලික මුදලකට වෙන්දේසිය වෙනුවෙන් ඉදිරිපත් කළ මෙම ක්රීඩකයාට ඉන්දීය රුපියල් කෝටි 1.1ක ලංසුවක් තබන්නට රාජස්ථාන් රෝයල්ස් කණ්ඩායම කටයුතු කළා.
වෙන්දේසියේ දී මෙම ලාබාලතමක ක්රීඩකයාව මිල දී ගන්නට රාජස්ථාන් රෝයල්ස් සහ දිල්ලි කැපිටල්ස් කණ්ඩායම් අතර පැවැතියේ තියුණු සටනක්.
