උසස් පොලිස් නිලධාරියෙකු ලෙස පෙනී සිටිමින් පේරාදෙණිය විශ්ව විද්යාලයේ ශාස්ත්ර පීඨයේ පීඨාධිපතිවරයාට දුරකථන ඇමතුම් ලබා දී පරීක්ෂණ කටයුත්තක් සඳහා පොලිස් මූලස්ථානයට පැමිණ ලෙස දැනුම්දීමක් කළ බව කියන ශිෂ්ය සංගමයක සභාපතිවරයකුට එරෙහිව පීඨාධිපතිවරයා පේරාදෙණිය පොලිසියට පැමිණිල්ලක් කර තිබෙනවා.
අදාළ ශිෂ්ය සංගම් සභාපතිවරයා නියෝජ්ය පොලිස්පතිවරයකු බව පවසමින් පසුගිය 20 වනදා පේරාදෙණිය පොලීසියට ඇමතුමක් ලබාදී විශ්ව විද්යාලයේ ශාස්ත්ර පීඨයේ පීඨාධිපතිවරයාගේ දුරකථන අංකය ඉල්ලගෙන ඇති බවයි වාර්තා වන්නේ.
අනතුරුව සැකකාර ශිෂ්ය සංගම් සභාපතිවරයා ඊට පසු දිනක පීඨාධිපතිවරයාගේ ජංගම දුරකථනයට ඇමතුම් කිහිපයක් ලබාගෙන ඇති බවට ද තොරතුරු අනාවරණය කරගෙන තිබෙනවා.
පේරාදෙණිය විශ්ව විද්යාලයේ සිසුන්ට බැන වැදීම හේතුවෙන් සිසුන් කලබලයට පත්ව කොළඹ උද්ඝෝෂණයක් සංවිධානය කර ජනාධිපති ලේකම් කාර්යාලයට ඇතුළුවීමට සැලසුම් කර ඇති බවයි සැකකරු පීඨාධිපතිවරයාට පවසා ඇත්තේ.
ඒ, අනුව වරෙන්තුවක් ලබාගෙන ඇති බවත් නියෝජ්ය පොලිස්පතිවරයා ලෙස කතා කළ පුද්ගලයා දැනුම් දුන්නේ යැයි පීඨාධිපතිවරයා පොලීසියට කළ පැමිණිල්ලේ සඳහන්.
එහිදී විද්යාලයේ ඇති සියළුම ලිපි ලේඛන කුලපතිවරයාට භාර දී පරීක්ෂණයක් සඳහා පොලිස් මූලස්ථානයට පැමිණි ලෙස නියෝජ්ය පොලිස්පතිවරයා ලෙස දුරකථන ඇමතුම ගත් ශිෂ්ය සංගම් සභාපතිවරයා පැවසූ බව පීඨාධිපතිවරයා පොලිසිය හමුවේ වැඩිදුරටත් පවසා තිබෙනවා.
