යාපනය,නුවර ප්රධාන මාර්ගයේ පූනෑව,ගල්කන්දේගම ප්රදේශයේ අද (17) අලුයම සිදු වූ රිය අනතුරකින් පුද්ගලයින් දෙදෙනෙක් ජිවිතක්ෂයට පත්ව, තවත් පුද්ගලයෙකු බරපතල තුවාල ලබා තිබෙනවා.
පොලිසිය පැවසූවේ නොරච්චෝලෙයි ප්රදේශයේ සිට මුලතිව් දක්වා ධීවරයින් පිරිසක් ගමන්ගත් ලොරි රථයක් මාර්ගයේ නවතා තිබියදී පසුපසින් පැමිණි පොහොර පැටවු ලොරි රථයක් අදාළ ලොරි රථයේ ගැටීමෙන් අනතුරුව, ධීවරයින් සිටි ලොරි රථය මතට පෙරළී මෙම අනතුර සිදුව ඇති බවයි.
අනතුරින් ධීවරයින් ලෙස කටයුතු කළ නොරොච්චෝලෙයි ප්රදේශයේ පදිංචි වයස අවුරුදු 35ක් සහ අවුරුදු 43ක් වන පුද්ගලයින් දෙදෙනෙක් ජිවිතක්ෂයට පත්ව ඇති බවද පොලිසිය සඳහන් කළා.
අනතුරින් ධීවරයින් ගමන්ගත් ලොරි රථයේ පසුපස සිටි පිරිසක් මතට පොහොර පැටුවූ ලොරි රථය වැටීමෙන් පුද්ගලයින් දෙදෙනෙක් ජිවිතක්ෂයට පත්ව ඇති අතර, තවත් ධීවරයෙක් බරපතල තුවාල ලබා තිබෙනවා.
තුවාලකරු වවුනියාව රෝහල වෙත ඇතුළත් කර ඇති අතර ඔහුගේ තත්වය බරපතල බවයි පොලිසිය සඳහන් කළේ.
අනතුර සම්බන්ධයෙන් පූනෑව පොලිසිය වැඩිදුර විමාර්ශන සිදු කරනු ලබනවා.
