ගලේවෙල – දඹුල්ල ප්රධාන මාර්ගයේ තලකිරියාගම ප්රදේශයේ දී අද අලුයම පුර්ණ සුඛෝපභෝගී බස් රථයක් සහ ඉන්ධන ලබා ගැනීම සඳහා මාර්ගය අසල නවතා තිබූ හල් ප්රවාහනයය කරන ලොරි රථයක් ගැටීමෙන් බස් රථයේ ගමන් කරමින් සිටි රියැදුරු රිය සහයකවරයා ඇතුළු හය දෙනෙකු තුවාල ලබා දඹුල්ල වීර ඩෙන්සිල් කොබ්බෑකඩුව රෝහලට ඇතුළත් කළ බව ගලේවෙල පොලිසිය සඳහන් කර සිටිනවා.
මෙසේ අනතුරට ලක්ව ඇත්තේ කොළඹ සිට ත්රිකුණාමලය බලා ධාවනය වෙමින් තිබූ මගීින් ප්රවාහනය කරන ලද අධි සුඛෝපබෝගී බස් රථයක් සහ කොළඹ සිට මඩකලපුව ප්රදේශයට විදේශ රට වලින් ගෙන්වූ සහල් රැගෙන යන කන්ටේනර් පෙට්ටියක් සහිත ලොරි රථයක් බවයි ගලේවෙල පොලිසිය සඳහන් කළේ.
ලොරි රථයේ රියැදුරු කියා සිටියේ අලුයම තුනට පමණ තමන් තලකිරියාගම ප්රදේශයේ පිහිටි ඉන්ධන පිරවුම්හලේ ඉන්ධන ලබා ගැනීමට රථය නවතාගෙන පෝලිමේ සිටි බවයි.
පෝලිමේ තමන් අවසානයට සිටි බවත් ඉදිරියට ගැනීමට සූදානම් වෙද්දීම පිටුපසින් විශාල ශබ්දයක් ඇසීමත් සමග තමන්ගේ රථය ඉදිරියට විසිරී ගිය බවයි ඔහු සඳහන් කර ඇත්තේ.
බස් රථය වේගයෙන් පැමිණ නවතා තිබූ මෙම ලොරි රථයේ පිටුපස ගැටීමෙන් අනතුර සිදුවී ඇතැයි ද තුවාල ලබා සිටින බස්රථ රියදුරුට නින්ද යෑම අනතුරට හේතුව විය හැකි බව පරීක්ෂණ පවත්වන ගලේවෙල පොලිසිය සඳහන් කර සිටියි.
