පසුගිය දිනෙක ජනතා විමුක්ති පෙරමුනේ පාර්ලිමේන්තු මන්ත්රී සමන්ත විද්යාරත්න ඇතුලු රතු තරුව කණ්ඩායමේ ද සහභාගීත්වයෙන් මහියංගන හෙබරව විද්යාලයේ ප්රධාන ගොඩනැගිලේ ප්රතිසංස්කරණ කටයුතු ආරම්භ කර තිබුනා.
මේ ඒ සම්බන්දව සම්න්ත විද්යාරත්න තම මුහුනුපොතේ තැබු සටහන සහ ඡායාරූප එකතුවයි.
කෙටි කලක් තුළ සැපිරෙන සාමූහිකත්වයේ අස්වැන්න .. !!
වසර ගණනාවක් අලුත් වැඩියා කිරීමට ප්රතිපාදන නොලැබීම හේතුවෙන් ඉතා අබලන්ව පැවැති මහියංගන හෙබරව විද්යාලයේ ප්රධාන ගොඩනැගිලේ ප්රතිසංස්කරණ කටයුතු ආරම්භ කර ඊයේ දිනය වන විට වහලෙ පිළිසකර කිරීම් දවස් තුනක් ඇතුළත සියල්ල අවසන් කළා.
වහලේ සෙවිලි සියල්ල ගලවා, දිරා ගිය ලී දඬු සියල්ල ඉවත් කර නැවත වහල සකස් කොට දින තුනක් ඇතුළත නැවත වහල සෙවිලි කිරීමට හැකිවුණේ ස්වෙච්ඡාවෙන් ගැමියන් ලබාදුන් ශ්රම දායකත්වය හේතුවෙනි. මේ සියලු කටයුතු විදෙස්ගත හිතවතකුගේ ප්රධාන ආධාර උපකාර ද සහිතව, අප නියෝජනය කරන නේත්රා පැහැසරණ පදනමේ මූලිකත්වයෙන් ජනතා විමුක්ති පෙරමුණේ රතු තරුව සහන සේවා බලකායේ මැදිහත් වීමෙන් ද පාසලේ දෙමව්පියන්ගේ දායකත්වයෙන් ද සිදුකරනු ලබනවා.
විද්යාලයේ විදුහල්පති තුමාගේ මූලික අධීක්ෂණය යටතේ මෙම කටයුතු ජනවාරි මාසය තුළ අවසන් කොට දූ දරුවන්ගේ අධ්යාපන කටයුතු සඳහා නැවතත් පවරාදීමට සලසුම් කර තිබෙනවා.
