දකුණු ඉන්දීය තමිල්නාඩු නිල්ගිරි කඳු පන්තිය ආසන්නයේ සිදුවූ හෙලිකොප්ටර් යානා අනතුරක් හේතුවෙන් ඉන්දීය යුද හමුදාවේ පළමු ආරක්ෂක මාණ්ඩලික ප්රධානී ජෙනරාල් බිපින් රාවට් මියගොස් ඇති බව ඉන්දීය මාධ්ය වාර්තා කරනවා.
මෙම හෙලිකොප්ටර් යානාවේ ජෙනරාල් බිපින් රාවට් ගේ පවුලේ සාමාජිකයින් ඇතුළු දාහතර දෙනෙකු ගමන් ගෙන ඇති බවයි වාර්තා වන්නේ.
අනතුරු හේතුවෙන් යානාවේ සිටි දහතුන් දෙනෙකු මිය ගොස් ඇති බවට හවුරු වී ඇති අතර එක් පුද්ගලයෙකු බරපතල පිළිස්සුම් තුවාල සහිතව ප්රතිකාර ලබනවා.
ආරක්ෂක මාණ්ඩලික ප්රධානී ජෙනරල් බිපින් රාවට් MI-17V5 හෙලිකොප්ටරයක ගමන් කරමින් සිටියදී මෙලෙස කුනූර් නගරය ආසන්නයේදී අනතුරට ලක් වී තිබෙනවා. සිද්ධිය සම්බන්ධයෙන් අදහස් දැක්වූ තමිල්නාඩු වන අමාත්ය කේ රාමචන්ද්රන් පැවසුවේ වහාම මුදාගැනීමේ මෙහෙයුම ක්රියාත්මක කළ අතර තුවාල ලැබූවන්, සහ දරුණු පිළිස්සුම් තුවාල සහිතව රෝහල් ගත කර ඇති බවයි.
ඉන්දීය ආරක්ෂක මාණ්ඩලික ප්රධානියා රැගත් හෙලිකොප්ටරය කඩා වැටෙයි
