කියුබාවේ සිට රුසියාවේ මොස්කව් නුවර බලා පිටත්ව යන ගුවන් යානයක මගියෙකු විසින් බිහිසුණු අත්දැකීමක් සිය දුරකථන කැමරාවේ සටහන් කරගෙන තිබුණා.
මෙම ගුවන් යානය ධාවන පථයේ ගමන් කරමින් ගුවන ගන්න යන අවස්ථාවේ උකුස්සන් රංචුවකුගේ ප්රහාරයකට ලක්ව තිබෙනවා.
එහිදී උකුස්සන් දෙදෙනෙකු විසින් ගුවන් යානයේ තටුවක වැදී විසිව ගොස් ඇති අතර තවත් උකුස්සෙකු ගුවන් යානයේ එංජිම තුළට ඇදි ගොස් තිබුණා.
එහිදී එන්ජිමට පිපිරීමකට ලක්ව තිබුණේ අතර එහි දර්ශන ගුවන් මගියාගේ කැමරාවේ සටහන්ව තිබුණා.
මෙලෙස අනතුරට පත්ව තිබුණේ රුසියාවට අයත් “අසූර් එයාර් (Azur Air)” සමාගමේ ZF 556 යන ගුවන් යානයයි.
ගුවන් සමාගම පවසා සිටියේ ගුවන් යානයේ ඉදිරියේ දී උකුස්සෙකු වැදී යානයේ දැඩි සිදුරක් ඇතිව තිබූ බවයි.
යානය ගුවන් ගත වීමට පෙර මෙම සිදුවීම වූ නිසා කිසිවෙකුටත් හානියක් නොවන ආකාරයෙන් යානය නවත්වා ගන්නට නියමුවන් සමත්වී තිබෙනවා.
මගියා විසින් කැමරාවට හසුකරගත් වීඩියෝවේ උකුස්සන් ගුවන් යානයේ ගැටෙන ආකාරයද දැක ගැනීමට හැකියි.
එම අවස්ථාවේ වීඩියෝව පහතින්
