පාස්කු ප්රහාරය සිදුකළ ත්රස්තවාදීන්ට මුදල් සැපයූ බව කියන ශ්රී ලාංකික යුවළකට නවසීලන්තය එරට පුරවැසිභාවය ලබාදී ඇති බව එරට මාධ්ය වාර්තා කර තිබෙනවා.
පාස්කු ප්රහාරයට මුදල් සැපයූ බව පවසමින් ශ්රී ලංකාවේ ආරක්ෂක අංශ තමන්ව දේශද්රෝහියකු ලෙස සලකා කටයුතු කරන බැවින් තමා හා තම බිරිය 2019 වසරේ අගෝස්තු මාසයේදී නවසීලන්තයට පැමිණි බව එම යුවළ එරට සංක්රමණ හා ආරක්ෂණ අධිකාරියට ගොනුකර තිබූ අභියාචනයක් යොමු කරමින් සඳහන් කර තිබූ බව වාර්තා වනවා.
තමන් හා තම බිරිය අමතර ආදායම් මාර්ගයක් සේ සලකා විදෙස් තැරැව්කරුවකු මඟින් ගිණුමකට මුදල් දැමීමක් හැර ත්රස්තවාදීන්ට මුදල් නොදුන් බැවින් තමන්ට නවසීලන්තයේ සරණාගතභාවය ලබාදෙන ලෙස ඉල්ලා එම යුවළ ගොනුකර තිබූ අභියාචනය පිළිබඳව සැලකිල්ලට ගනිමින් නවසීලන්තය එරට පුරවැසිභාවය ලබාදී තිබුණා.
කොළඹ සිටි තැරැව්කරුවකු විසින් තමාට ලබාදුන් මුදල් සිය බිරියගේ මව විසින් තමාට ලබාදුන් ගිණුම් තොරතුරුවලට පමණක් බැර කළ බවද තමන් හා තම බිරිය නිර්දෝෂී වුවත් තමන්ට දඬුවම් ලබාදෙනු ඇතැයි සිතා නවසීලන්තයට පැමිණි බව ඔවුන් අධිකරණය හමුවේ පවසා ඇති බවද එරට මාධ්ය වාර්තා කරනවා.
wpDiscuz
