පූර්ණ විද්‍යුත් මෝටර් රථ තාක්ෂණය, ප්ලග්-ඉන් හයිබ්‍රිඩ්, නවීන තාක්ෂණික පහසුකම් සහ බුද්ධිමත් ආරක්ෂක පද්ධති සමඟ GWM රථ පෙළ තවදුරටත් පුළුල් වෙයි
ඩේවිඩ් පීරිස් ඔටෝ මොබයිල්ස් (ප්‍රයිවට්) ලිමිටඩ් විසින් GWM සන්නාමය යටතේ නව මෝටර් රථ මාදිලි දෙකක් වන පූර්ණ විද්‍යුත් GWM ORA 5 සහ Haval Jolion MAX Plug-in Hybrid Electric Vehicle (PHEV) ශ්‍රී ලංකා වෙළෙඳපොළට හඳුන්වා දී තිබෙනවා.
කොළඹ 02, යූනියන් පෙදෙසේ ඇක්සස් ටවර් ගොඩනැගිල්ලේ පිහිටි GWM Experience Centre පරිශ්‍රයේදී පසුගිය දා මෙම මාදිලි දෙක හඳුන්වාදීම සිදු කෙරුණා.
GWM ORA 5 යනු නවීන මෝස්තරය, සුවපහසුව සහ උසස් තාක්ෂණික පහසුකම් ඒකාබද්ධ කළ පූර්ණ විද්‍යුත් රථයක්.
කිලෝවොට් 100ක විදුලි මෝටරයකින් සහ කිලෝවොට් පැය 58.3ක බැටරියකින් සමන්විත මෙම රථයට New European Driving Cycle (NEDC) පරීක්ෂණ ප්‍රමිතිය යටතේ කිලෝමීටර් 520ක් දක්වා ධාවන පරාසයක් ලබා දීමේ හැකියාව පවතිනවා.
විද්‍යුත් ආසන, පරිදර්ශක වීදුරු වහලය, විද්‍යුත් බලයෙන් ක්‍රියාත්මක වන පසුපස දොර සහ ලීටර් 3.2ක සිසිලන පෙට්ටිය ඇතුළු වාරික පහසුකම් රැසකින් මෙය සමන්විත වනවා.
අඟල් 14.6ක ස්පර්ශ සංවේදී තිරය, හඬ විධාන පද්ධතිය, රැහැන් රහිත ආරෝපණ පහසුකම සහ වාහනයේ යටිබිම පෙනෙන ආකාරයේ දර්ශනයක් සහිත අංශක 360ක කැමරා පද්ධතිය එහි තාක්ෂණික විශේෂාංග අතර වනවා.
එමෙන්ම Vehicle-to-Load (V2L) පහසුකම මඟින් බාහිර විදුලි උපකරණ ක්‍රියාත්මක කිරීමට ද හැකියාව ලැබෙනවා.
අනුවර්තනීය වේග පාලනය, ස්වයංක්‍රීය හදිසි තිරිංග පද්ධතිය, මංතීරු පවත්වාගෙන යාමේ සහාය, ඉදිරිපස ගැටුම් අනතුරු ඇඟවීම සහ මාර්ග සංඥා හඳුනාගැනීම වැනි උසස් රියදුරු සහායක පද්ධති ද මෙහි ඇතුළත්.
මිලිමීටර් 175ක බිම් නිෂ්කාශනයක් සහ Eco, Normal, Sport සහ Well Being යන ධාවන මාතයන් හතරකින් සමන්විත ORA 5 විවිධ දෛනික ධාවන අවශ්‍යතාවලට ගැළපෙන පරිදි නිර්මාණය කර තිබෙනවා.
එමෙන්ම,
Haval Jolion MAX PHEV රථය විද්‍යුත් ධාවන හැකියාව සහ පෙට්‍රල් එන්ජිමක නම්‍යශීලීත්වය ඒකාබද්ධ කරනවා.
ලීටර් 1.5ක ටර්බෝ ප්ලග්-ඉන් හයිබ්‍රිඩ් බල පද්ධතියකින් සමන්විත මෙය කිලෝවොට් 240ක ඒකාබද්ධ බලයක් සහ නිව්ටන් මීටර් 513ක ව්‍යාවර්තයක් (Torque) ලබා දෙනවා.
NEDC පරීක්ෂණ ප්‍රමිතිය යටතේ කිලෝමීටර් 108ක් දක්වා විද්‍යුත් ධාවන පරාසයක් ද මෙයට හිමි වනවා.
විද්‍යුත් ලෙස සකස් කළ හැකි සහ වාතාශ්‍රය සැපයෙන ඉදිරිපස ආසන, ඉඩකඩ සහිත පසුපස ආසන පෙළ සහ පරිදර්ශක සන්රූෆ් පහසුකම එහි සුවපහසුව ඉහළ නංවනවා.
අඟල් 12.3ක තොරතුරු හා විනෝදාස්වාද තිරය, රියදුරුගේ දර්ශන පථයට තොරතුරු ප්‍රක්ෂේපණය කරන Head-Up Display පද්ධතිය, අංශක 360ක කැමරාව සහ හඬ විධාන පහසුකම ද එහි තාක්ෂණික අංග අතර වනවා.
Level 2 Advanced Driver Assistance Systems (ADAS), අනුවර්තනීය වේග පාලනය, මංතීරු පවත්වාගෙන යාමේ සහාය, අන්ධ කලාප නිරීක්ෂණය, ඉදිරිපස ගැටුම් අනතුරු ඇඟවීම සහ ස්වයංක්‍රීය හදිසි තිරිංග පද්ධතිය ඇතුළු ආරක්ෂක පහසුකම් රැසකින් ද මෙම රථය සමන්විත වනවා.
බාහිර විදුලි ආරෝපණයක් අවශ්‍ය නොවන අතර ධාවනයේදී බැටරිය ආරෝපණය කරගන්නා Hybrid Electric Vehicle (HEV) ප්‍රභේදයක් ද Haval Jolion MAX රථ පෙළට ඇතුළත්.
ඩේවිඩ් පීරිස් ඔටෝමොබයිල්ස් (ප්‍රයිවට්) ලිමිටඩ් විසින් දැනට ශ්‍රී ලංකාවේ GWM Haval H6 (HEV/PHEV), Tank 500 (HEV), Tank 300 (HEV) සහ Haval H6 GT (PHEV) ඇතුළු රථ මාදිලි රැසක් අලෙවි කරනු ලබයි. ORA 5 සහ Haval Jolion MAX PHEV හඳුන්වාදීමත් සමඟ එහි විද්‍යුත් සහ හයිබ්‍රිඩ් රථ පෙළ තවදුරටත් පුළුල් වනවා.
වාහන අලෙවියට අමතරව, ඩේවිඩ් පීරිස් ඔටෝමොබයිල්ස් (ප්‍රයිවට්) ලිමිටඩ් විසින් කොළඹ 02, Hyde Park Corner හි විශේෂිත අලෙවියෙන් පසු සේවා මධ්‍යස්ථානයක් පවත්වාගෙන යනු ලබන අතර, දිවයින පුරා විහිදුණු අලෙවි නියෝජිත ජාලයක් ද ක්‍රියාත්මක කරයි. මෙම පහසුකම් මඟින් පාරිභෝගිකයන්ට අලෙවියෙන් පසු සේවා සහ නඩත්තු පහසුකම් ලබාගැනීමට අවස්ථාව සැලසෙනවා.
මෙම නව රථ මාදිලි හඳුන්වාදීම තුළින් කාර්යසාධනය, සුවපහසුව, ආරක්ෂාව සහ වඩාත් කාර්යක්ෂම ගමනාගමන විසඳුම් පිළිබඳව වෙනස් වන පාරිභෝගික අපේක්ෂාවන්ට ප්‍රතිචාර දක්වමින් ඩේවිඩ් පීරිස් ඔටෝමොබයිල්ස් සිය GWM රථ පෙළ තවදුරටත් ශක්තිමත් කරනවා.
වැඩි විස්තර සඳහා 0117 888 666 ඔස්සේ ඩේවිඩ් පීරිස් ඔටෝමොබයිල්ස් ඇමතීමේ හැකියාව පවතිනවා.
