ව්‍යාජ අංක තහඩුවක් සවිකරන ලද යතුරුපැදියකින් ගමන් කරමින් සිටි හලාවත ප්‍රාදේශීය සභාවේ මන්ත්‍රීවරයෙක්
මාදම්පේ පොලීසිය විසින් අත්අඩංගුවට ගෙන තිබෙනවා.
ඊයේ (11) පස්වරුවේ මාදම්පේ නගරයේ දී මෙම පුදගලයා අත්අඩංගුවට ගෙන ඇති බවයි වාර්තා වුණේ.
පොලීසිය විසින් මෙලෙස අත්අඩංගුවට ගෙන ඇත්තේ ශ්‍රී ලංකා පොදු ජන පෙරමුණ නියෝජනය කරන හලාවත ප්‍රාදේශීය සභාවේ මන්ත්‍රීවරයෙක්.
මෙම පුද්ගලයා හලාවත, ජයබිම ප්‍රදේශයේ පදිංචිකරුවෙක් වන අතර, මොහු ගමන් කළ යතුරුපැදිය මාදම්පේ පොලීසියේ
රථ වාහන අංශයේ නිලධාරීන් විසින් මාදම්පේ නගරයේ දී පරීක්ෂා කර තිබෙනවා.
එහිදී තහවුරු වී ඇත්තේ එම යතුරුපැදියකට සවි කර ඇත්තේ ව්‍යාජ අංක තහඩුවක් බවයි.
අනතුරුව අදාළ මන්ත්‍රීවරයා අත්අඩංගුවට ගෙන ඇති අතර, මාදම්පේ පොලීසිය වැඩිදුර විමර්ශණ සිදුකරනු ලබනවා.
