වත්මන් ජනතා විමුක්ති පෙරමුණ රජය දිනෙන් දින රටේ උපාධිධාරීන්ගේ රැකියා අයිතිය සුරක්ෂා කර රැකියා අයිතිය ලබාදෙනවා වෙනුවට එය උල්ලංඝනය කරමින් සිටින බව විපක්ෂ නායක සජිත් ප්‍රේමදාස පවසනවා.
විපක්ෂ නායක කාර්යාලයේ දී දකුණු පළාත් උපාධිධාරීන්ගේ රැකියා ගැටලුව සම්බන්ධයෙන් අද (08) පැවැති සාකච්ඡාවක දී විපක්ෂ නායකවරයා මේ බව සඳහන් කළා.
දකුණු පළාතේ ගුරු පුරප්පාඩු සදහා 2023 වසරේ විභාග පවත්වා ඉන් 704ක් සමත් වුවත් මේ අයට පත්වීම් ලිපි ලබාදීමට
දින තීන්දු කර තිබිය දී අධිකරණයේ පවතින නීතිමය තත්ත්වයක් කියමින් කැබිනට් තීන්දුවක් ගෙන මෙම පත්වීම් ලබාදීම අත්හිටුවා ඇති බවවයි ඔහු පවසන්නේ.
2025 ජුනි 30 පුරප්පාඩු 2,193ක් පැවතීම නිසා මෙම විභාගය සමත් 704ට රැකියා ලබාදීම රජයේ යුතුකම බවත් එය ප්‍රමාද කරමින් ඔවුන්ට අසාධාරණයක් සිදුකරන්නේ කුමක් ද කියා ගැටලුවක් ඇති බවත් විපක්ෂ නායකවරයා අවධාරණය කරනවා.
ඒ අනුව මොවුන්ට නොපමාව යුතුකම් ඉටු කරන ලෙස ඉල්ලා සිටින විපක්ෂ නායකවරයා, තාවකාලිකව පත්වීම්දීම අත්හිටුවීම දැන් ස්ථිර ලෙස අත්හිටුවීමට රජය කටයුතු කිරීම නිසා මෙම තරුණයන්ගේ මානව හා මූලික අයිතිය උල්ලංඝනය වී ඇති බවත් විපක්ෂ නායකවරයා පෙන්වා දෙනවා.
