දෙහිවල පොලිස් වසමේ සිරිසඟබෝ මාවත ප්රදේශයේ නිවසකට එල්ල වූ අත්බෝම්බ ප්රහාරය සංවිධානාත්මක අපරාධ කල්ලි අතර පවතින ගැටුමක ප්රතිඵලයක් බවට පොලිසිය සැකපළ කරනවා.
පොලිසිය පවසන්නේ මෙම ප්රහාරය සම්බන්ධයෙන් පොලිස් කණ්ඩායම් තුනක් විමර්ශන ආරම්භ කර ඇති බවයි.
අද (11) අලුයම් කාලයේ එල්ල වූ මෙම අත්බෝම්බ ප්රහාරයෙන් ළමුන් දෙදෙනෙක් ජීවිතක්ෂයට පත් වුණා.
එමෙන්ම මෙම ප්රහාරයෙන් අදාළ ළමුන් දෙදෙනාගේ 55 හැවිරිදි වියේ පසුවන පියා බරපතළ තුවාල ලබා ඇතුළත් කේරුණේ කළුබෝවිල ශික්ෂණ රෝහලටයි.
මියගොස් ඇත්තේ අවුරුදු 11 සහ 17 වයස්වල පසුවන පිරිමි දරුවන් දෙදෙනෙක්.
මෙම ප්රහාරයට හේතුව හෝ සැකකරුවන් සම්බන්ධයෙන් මෙතෙක් තොරතුරු අනාවරණය වී නැහැ.
