චීන ජාතිකයින් තිදෙනෙකු හට පහරදී එක් චීන ජාතිකයෙකු පැහැරගෙන ගොස් ඝාතනය කිරීමේ සිද්ධියට සම්බන්ධ චීන ජාතික සැකකරුවන් දෙදෙනෙක් අත්අඩංගුවට ගෙන තිබෙනවා.
කොළඹ දිසා අපරාධ කොට්ඨාසය විසින් මෙම චීන ජාතිකයින් දෙදෙනා අත්අඩංගුවට ගෙන ඇති අතර, මොවුන් දෙදෙනා සීගිරිය ප්‍රදේශයේ ලැගුම්හලක් තුළ රැඳී සිටියදී ඊයේ (28) දින අත්අඩංගුවට ගෙන ඇති බවයි වාර්තා වුණේ.
අත්අඩංගුවට ගැනුණු සැකකාර චීන ජාතිකයින් දෙදෙනා අවුරුදු 35 සහ 43 වයස්වල පසුවන බව පොලිසිය සඳහන් කළා.
සැකකරුවන් සම්බන්ධයෙන් කොළඹ මහේස්ත්‍රාත් අධිකරණයට කරුණු වාර්තා කිරීමට නියමිත අතර, කොළඹ දිසා අපරාධ කොට්ඨාසය විසින් වැඩිදුර විමර්ශන සිදුකරනු ලබනවා.
2026.07.23 දින කොළඹ වරාය නගරයේ රැඳී සිටි චීන ජාතිකයින් තිදෙනෙකු හට පහරදී එක් චීන ජාතිකයෙකු පැහැරගෙන ගොස් ඝාතනය කර තිබූ අතර, තවත් චීන ජාතිකයින් පිරිසක් විසින් මෙම අපරාධය සිදුකර ඇති බවයි අනාවරණය වී ඇත්තේ.
