මාර්ග ආරක්ෂණ සැලැස්ම යටතේ ක්රියාත්මක කර ඇති ජංගම මත්ද්රව්ය පරීක්ෂණ වැඩසටහන තවදුරටත් කාර්යක්ෂම කිරීමට සෞඛ්ය අමාත්යංශයෙන් තවත් ජංගම බස් රථයක් ප්රවාහන, මහාමාර්ග සහ නාගරික සංවර්ධන අමාත්යංශයට පරිත්යාග කර තිබෙනවා.
අදාළ ජංගම රසායනාගාර බස් රථය නිල වශයෙන් භාරදීම අද (10) පෙරවරුවේ සෞඛ්ය හා ජනමාධ්ය අමාත්යාංශ පරිශ්රයේදී සිදු කෙරුනේ සෞඛ්ය හා ජනමාධ්ය අමාත්ය නලින්ද ජයතිස්සගේ ප්රධානත්වයෙන්.
පොදු ප්රවාහනයේ යෙදෙන රියදුරන්, කොන්දොස්තරවරුන් සහ රිය සහායකයින් රිය ධාවනයේදී මත්ද්රව්ය භාවිත කර ඇත්දැයි පරීක්ෂා කෙරෙන ජංගම පරීක්ෂණ වැඩසටහන මේ වනවිට දිවයිනේ පළාත් 05ක් ආවරණය වන පරිදි ක්රියාත්මක කෙරෙනවා.
පරීක්ෂණ සඳහා අවශ්ය භෞතික හා මානව සම්පත් ක්රමිකව සංවර්ධනය කිරීමත් සමඟ දිවයිනේ අනෙකුත් පළාත්වලට ද මෙම පරීක්ෂණ ක්රියාවලිය දියත් කිරීමට ජාතික ප්රවාහන වෛද්ය ආයතනය සැලසුම් කර තිබෙනවා.
