වෙඩි තබාගෙන සියදිවි හානිකරගත් බව කියන හිටපු පොලිස්පති සී.ඩී. වික්රමරත්නගේ අවසන් කටයුතු ලබන සඳුදා (20) සවස බොරැල්ල සුසාන භූමියේදී සිදුකිරීමට නියමිතව තිබෙනවා.
ඔහුගේ දේහය හෙට (19) සිට බොරැල්ල පෞද්ගලික මල්ශාලාවක තැන්පත් කරන බවයි පොලිසිය සඳහන් කළේ.
මේ අතර හිටපු පොලිස්පතිවරයා වෙඩි තබාගෙන මිය යාමේ සිද්ධිය සම්බන්ධයෙන් පුද්ගලයින් 10 දෙනෙකුට වැඩි පිරිසකගෙන් මේ වනවිටත් ප්රකාශ සටහන් කරගෙන ඇති බවයි පොලිසිය පැවසුවේ.
පොලිස්පති නීතිඥ ප්රියන්ත වීරසූරිය, කොළඹ දිස්ත්රික්කය භාර නියෝජ්ය පොලිස්පති හරහා ලබා දුන් විශේෂ නියෝගයකට අනුව, බස්නාහිර පළාත් දකුණ අපරාධ කොට්ඨාශය මෙම සිද්ධිය සම්බන්ධයෙන් පරීක්ෂණයක් ආරම්භ කර තිබෙනවා.
ඊට අමතරව නුගේගොඩ කොට්ඨාශය භාර ජ්යෙෂ්ඨ පොලිස් අධිකාරීවරයාගේ උපදෙස් සහ නුගේගොඩ සහකාර පොලිස් අධිකාරීවරයාගේ අධීක්ෂණය යටතේ, මාලඹේ පොලිසියේ ස්ථානාධිපති විසින් ද පරීක්ෂණ පවත්වනු ලබනවා.,
හිටපු පොලිස්පති සී.ඩී. වික්රමරත්න මහතා ඊයේ (17) උදෑසන මාලඹේ, තලාහේන ප්රදේශයේ පිහිටි ඔහුගේ නිවසේ දී පපු ප්රදේශයට ගිනි අවියකින් වෙඩි තබාගෙන මිය ගියා.
සී.ඩී. වික්රමරත්න හිටපු පොලිස්පතිවරයා එලෙස මිය යන විට ඔහුගේ වයස අවුරුදු 63ක්.
ලෝකයම දන්න මිනිස්සු මේ තරම් දුර්වල සිත් ඇතුව රටක ආරක්ශක අංශවල ඉන්න පුලුවන්ද?
සිතක කාලය චිත්තක්ෂණයයි.සිත චිත්තක්ෂණයෙන් චිත්තක්ෂණයට වෙනස් වෙනවනෙ