සංචාරක ශ්රී ලංකා කණ්ඩායම සහ බටහිර ඉන්දීය කොදෙව් කණ්ඩායම අතර පැවැත්වෙන ටෙස්ට් ක්රිකට් තරගාවලියේ දෙවන තරගය අද (03) මෙරට වේලාවෙන් රාත්රී 07.30ට ආරම්භ වීමට නියමිතයි.
තරගය අද ඇන්ටිගුහා ජාත්යන්තර ක්රිකට් පිටියේ දී පැවැත්වෙනවා.
මේ අතර මෙරටින් බටහිර ඉන්දීය කොදෙව් දූපත් බලා ගමන් ගත් ක්රීඩක සංචිතයෙන් ක්රීඩකයින් සිව්දෙනෙක් ආබාදයන්ට සහ සනීප තත්ත්වයන්ට ලක්ව ඇති බව ශ්රී ලංකා ක්රිකට් ආයතනය විසින් නිල වශයෙන් නිවේදනය කර තිබෙනවා.
වේග පන්දු යවන ක්රීඩක ලහිරු කුමාරගේ දකුණු කලවා මාංශ පේශියේ ආබාධයක් හටගෙන ඇති අතර වේග පන්දු යවන ක්රීඩක විශ්ව ප්රනාන්දු පුහුණු තරගයේදී පන්දු යවමින් සිටියදී ආබාධයට ලක්ව ඇති බාවයි ක්රිකට් ආයතනය විසින් නිකුත් කළ නිවේදනයේ සඳහන්ව තිබුණේ.
එමෙන්ම සංචාරය අතරතුර ඇති වූ බැක්ටීරියා ආසාදනයකින් රමේෂ් මෙන්ඩිස් සුවය ලබමින් සිතන බවත් පළමු ටෙස්ට් තරගයෙන් පසු ආබාධයකට ලක්ව සිටින ආරම්භ පිතිකරු පැතුම් නිස්සංකට මැණික් කටුවේ ආශ්රිත ප්රදේශයේ ශල්යකර්මයක් සිදු කිරීමට නිර්දේශ වී තිබෙනවා.
මේ අතර අද තරගය සඳහා ක්රීඩා කරනු ලබන ක්රීඩකයින් 11 දෙනා මේ වන විට ප්රකාශයට පත්කර ඇති අතර, ඒ අනුව ඉසිත විජේසුන්දරට ශ්රී ලංකාව වෙනුවෙන් ටෙස්ට් වරම් හිමිව තිබෙනවා.
නිශාන් මධුෂංක, ළහිරු උදාර, දිනේෂ් චන්දිමාල්, කමිඳු මෙන්ඩිස්, ධනංජය ද සිල්වා, කුසල් මෙන්ඩිස්, සොනාල් දිනුෂ, මිලාන් රත්නායක, ඉසිත විජේසුන්දර, ප්රභාත් ජයසූරිය සහ අසිත ප්රනාන්දු යන ක්රීඩකයින් අද ශ්රී ලංකාව වෙනුවෙන් තරග බිමට පිවිසීමට නියමිතයි.
