මෙම වසරේ මෙරටින් වාර්තා වන ඩෙංගු රෝගීන්ගේ සංඛ්යාව 57,000 සීමාව ඉක්මවා ගොස් ඇති බව ජාතික ඩෙංගු මර්ධන ඒකකය පවසනවා.
ඒ, අනුව මෙරටින් වාර්තා වන ඩෙංගු රෝගීන්ගේ සංඛ්යාව 57,668ක් බවයි ජාතික ඩෙංගු මර්ධන ඒකකය සඳහන් කළේ.
ඊයේ (02) දිනයේ දී පමණක් මෙරටින් ඩෙංගු රෝගීන් 1,246ක් වාර්තා වී ඇති බවයි එම ඒකකයේ සංඛ්යා දත්තවල දැක්වෙන්නේ.
ඒ, අනුව ජුලි මාසයේ මුල්දින දින තුළ දී මෙරටින් ඩෙංගු රෝගීන් 2278ක් වාර්තා වී තිබෙනවා.
එමෙන්ම මෙරටින් මෙම වසරේ මේ දක්වා වාර්තා වී තිබෙනවා ඩෙංගු මරණ ගණන 35ක්.
මේ අතර මහජන සෞඛ්ය පරීක්ෂකවරුන්ගේ සංගමය පවසන්නේ මද වැසි ඇතිවීම ආරම්භවීමත් සමඟ නැවතවරක් මදුරුවන්ගේ ඝනත්වය ඉහළ යාමේ අවදානමක් පවතින බවයි.
එමෙන්ම ඩෙංගු අධි වසංගත තත්ත්වය පාලනය වී නොමැති තත්ත්වයක් රටතුළ දක්නට ඇති බවයි එම සංගමය වැඩිදුරටත් පවසන්නේ.
